Yeremia 13:14 - BAIBLO ALOO NGMAMI KLƆUKLƆU Ɔ

¹⁴ Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Yeremia 13:14 ပူးပေါင်းရင်းမြစ်များ

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 6:21

Lɔ ɔ he ɔ, ma fɔ blɔ mi tso ha mɛ; a ma tɛ nɔ nɛ a maa nɔ si bum. Tsɛmɛ kɛ a bimɛ ma gbo, nɛ nihi kɛ a huɛmɛ a hɛ mi ma kpata.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Marko 13:12

Nyɛmimɛ maa ngɔ a sibi kɛ ha nɛ a gbe mɛ, nɛ tsɛmɛ hu maa ngɔ bimɛ kɛ ha. Bimɛ maa te si ngɔ si a fɔli, nɛ a kɛ mɛ ma ha nɛ a gbe mɛ.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Ezekiel 9:5

Se ni kpa amɛ lɛɛ nɔ́ nɛ Mawu de mɛ nɛ i nu ji, “Nyɛɛ nyɛɛ e se kɛ ya kpa ma a mi, nɛ nyɛɛ gbe ni ɔmɛ. Nyɛ ko baa nɔ ko nɔ ko yi; nyɛ ko na nɔ ko nɔ ko mɔbɔ.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Ezekiel 7:9

O be mɔbɔ nami ko kulaa nae ngɛ ye hɛngmɛ mi, nɛ i be o yi bae hulɔ; se ma gbla o tue wawɛɛ mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi Yawɛ lɛ i ngɛ o tue gblae ɔ nɛ.”

Ezekiel 7:4

I be o yi bae; i be mo mɔbɔ nae. Se ma gbla o tue mohu ngɛ ní hiemi níhi nɛ o ngɛ pee kpamisa a he. Kɛkɛ ɔ, o maa le kaa imi ji Yawɛ.”

Yeremia 48:12

“Lɔ ɔ he ɔ, jehanɛ be ma nɛ ma tsɔ he nyɛli kɛ ba nɛ a ba kpata Moab hɛ mi pɛsɛpɛsɛ. Kaa bɔ nɛ nɔ́ puɛli ma plɛ wai ngɔ pue si nɛ a maa ywia wai tɔ ɔ wɔtsɔwɔtsɔ ɔ, kikɛ nɛ ɔ he nyɛli ɔmɛ maa pee Moab ɔ nɛ.

Yeremia 47:3

A maa nu nɛ okpɔngɔhi a nane kokloto ngɛ si sie glɛi, glɛi, glɛi! A maa nu nɛ zugba lɛhi a nane ngɛ pɛe kplakatsa, kplakatsa, kplakatsa! Tsɛmɛ be plɛe nɛ a hyɛ a bimɛ; a nine mi maa je wu.

Yeremia 16:5

“We nɛ ya ngɛ mi ɔ, koo ya lejɛ ɔ. Ko ya ye kɔmɔ ha nɔ ko. I be ye ma a tue mi jɔmi hae hu; ye suɔmi kɛ mɔbɔ nami ɔ hu se po.

Kronika II, 20:23

Amon bi ɔmɛ, kɛ Moab bi ɔmɛ ya tua Edom bi ɔmɛ, nɛ a kpata a hɛ mi. Benɛ a gbe Edom bi ɔmɛ se ɔ, a plɛ ngɔ kpee a he kɛ ya si a kpata a sibi a hɛ mi.

Samuel I, 14:16

Saul e buli ɔmɛ nɛ ngɛ Gibea ngɛ Benyamin ɔ na Filisti bi ɔmɛ nɛ a gbɛ fĩa, nɛ́ a ngɛ fo tue nɛ a li he nɛ a yaa.

Hiob 27:22

Mawu ma ha nɛ beleku kɔɔhiɔ maa fia lɛ wawɛɛ nitsɛ; nɛ e be lɛ mɔbɔ nae kulaa, be mi nɛ e ngɛ mɔde bɔe kaa e maa tu fo kɛ je nya.

Yeremia 15:5

Yawɛ ke, “Yerusalem bi, mɛnɔ maa na nyɛ mɔbɔ, aloo mɛnɔ maa ye nyɛ kɔmɔ? Mɛnɔ ma gba nɛ e ba bi si ke kɛ nyɛ ngɛ kɛɛ lo?

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Hosea 2:4

E bimɛ ɔmɛ hu i be mɛ mɔbɔ nae. Ejakaa yo yaholɔ bimɛ ji mɛ. A nyɛ nɛ fɔ mɛ ɔ, zo ko zo ko be e hɛ mi. E nyɛ́ nɛ e de ke, “I yaa nɛ ma ya nyɛɛ ye pla amɛ a se. Mɛ lɛ a haa mi ye nya mi ngma, kɛ nyu; heha ní, nu, kɛ dã tsuo, a dɛ mi i naa kɛ jeɔ.”

Zakaria 11:6

Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Yeremia 15:6

Nyɛ kua mi; nyɛ plɛ nyɛ se kɛ wo mi. Enɛ ɔ he je ɔ, imi hu i wo ye nine nɔ ngɛ nyɛ nɔ, nɛ i kpata nyɛ hɛ mi. Ejakaa bɔ nɛ i ngɔɔ nyɛ he kɛ kee nyɛ daa nɛ ɔ, pɔ ba tɔ mi jehanɛ.

Yeremia 25:16

Ke a nu ɔ, a hɛ mi ma tsitsɛɛ mɛ nɛ a fo godo ngɛ ta a nɛ i tsɔ kɛ ma a ngɔ ɔ he.”

Ezekiel 7:3

“Israel, o nyagbe ɔ su jehanɛ. O maa na bɔ nɛ ye mi mi wo la ha; ejakaa ma gbla o tue ngɛ níhi nɛ o pee ɔ a he. Ní hiemi níhi nɛ o tsu ɔ tsuo, ma wo mo a he hiɔ.