Yeremia 13:10 - BAIBLO ALOO NGMAMI KLƆUKLƆU Ɔ

¹⁰ Nimli yiwutsotsɛmɛ nɛ ɔmɛ kua mi tue bumi. A wa tue, nɛ a pee nɔ́ nɛ a suɔ; a ya ja mawu kpahi, nɛ a sɔmɔ mɛ. Enɛ ɔmɛ a he je ɔ, ma ha nɛ a maa pee kaa bɔjuɛ nɛ ɔ nɛ he be se nami ko hu ɔ.

Yeremia 13:10 ပူးပေါင်းရင်းမြစ်များ

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Yeremia 13:7

Kɛkɛ nɛ i kpale kɛ ho Yufrate pa a nya ya, nɛ i ya tsua bɔjuɛ ɔ kɛ je puɔ ɔ mi he nɛ i ngɔ ya laa ngɛ ɔ. Se i na kaa bɔjuɛ ɔ puɛ; e hí kɛ ha nɔ́ ko nɔ́ ko peemi hu.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 11:18

Yawɛ ha nɛ i le kaa ye he nyɛli ɔmɛ so ngɔ wo ye he.

Yeremia 8:5

Ye ma! Mɛni he je mɔ lɛ nyɛ je ye se, nɛ nyɛ sume kaa nyɛ maa kpale kɛ ba a? Mɛni he je nyɛɛ kɛ nyɛ he ha sisimi ní hi kikɛ nɛ ɔ, nɛ nyɛ sume kaa nyɛ maa kpale kɛ ba ye ngɔ ɔ?

Yeremia 5:23

Se nyɛ kikɛmɛ a ma nɛ ɔ lɛɛ nimli nɛ a tsui kplii, kɛ atuã tsɔli ji nyɛ; nyɛ tsɔ ye hɛ mi atuã, nɛ nyɛ kua mi.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Yeremia 11:10

Yayamihi nɛ a nɛmɛ ɔmɛ pee ɔ, a kpale ya pee jamɛ a yayami ɔmɛ. A nɛmɛ ɔmɛ kplɛɛ we kaa a maa bu mi tue, nɛ a ya ja mawu kpahi. Israel ma a, kɛ Yuda ma a tsuo yi somi nɛ i kɛ a nɛmɛ ɔmɛ so ɔ nɔ.

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.

Yeremia 23:17

Daa nɛ ɔ, bɔ nɛ a deɔ ni nɛmɛ nɛ sume nɛ a buɔ ye munyu ɔ tue ji, ‘Nyɛ ko ye tsui tete! Nɔ́ tsuaa nɔ́ maa hi.’ Tue wali ɔmɛ lɛɛ bɔ nɛ a deɔ mɛ ji, ‘Haomi ko haomi ko be nyɛ nɔ bae fɛɛ.’ ”

Yeremia 35:15

Daa nɛ ɔ, i tsɔɔ ye tsɔli gbali ɔmɛ kɛ baa nyɛ ngɔ. A ba deɔ nyɛ ke nyɛɛ kpale kɛ je nyɛ blɔ yayami ɔmɛ a nɔ, nɛ nyɛɛ pee nɔ́ nɛ da. A bɔ nyɛ kɔkɔ ke nyɛ ko ja mawu kpahi, nɛ nyɛ ko sɔmɔ mɛ hulɔ, bɔ nɛ pee nɛ nyɛɛ hi zugba a nɛ i ha nyɛɛ kɛ nyɛ nɛmɛ ɔmɛ ɔ nɔ. Se nyɛ bui mi tue, nɛ ye munyu ɔmɛ hu nyɛ ngɔɛ.

Yeremia 44:5

Se nyɛ bui tue. Nyɛ yaa nɔ nɛ nyɛ sãã tsopa kɛ e he via kɛ haa mawu kpahi, nɛ nyɛ kpale we kɛ ji nyɛ blɔ yayami ɔmɛ a nɔ.

Yeremia 44:16

“Munyu ɔ nɛ o kɛ wɔ tu ngɛ Yawɛ biɛ mi ɔ, wa be tue bue fɛɛ.

Yeremia 7:13

Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Yeremia 9:13

Yawɛ he nɔ ke, “Nɔ́ nɛ he je nɛ kikɛmɛ a nɔ́ nɛ ɔ ba ji mlaa nɛ i wo ye ma mi bi ɔmɛ ɔ, a yi nɔ. A bui mi, nɛ nɔ́ nɛ i de mɛ ke a pee ɔ hu, a pee we.