Yeremia 12:9 - BAIBLO ALOO NGMAMI KLƆUKLƆU Ɔ

⁹ Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Yeremia 12:9 ပူးပေါင်းရင်းမြစ်များ

Yesaya 56:9

Yawɛ de je ma amɛ nɛ je ma se ɔ ke á ba kaa lohwe dikali, nɛ a ba tsɔtslɔɔ e ma mi bi ɔmɛ a mi.

Yeremia 7:33

Ni gbogboe ɔmɛ maa pee lohwe pɛlitsɛmɛ, kɛ nga mi lohwehi a niye ní, nɛ nɔ ko nɔ ko be mɛ fiee.

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yeremia 34:20

Ma je mɛ kɛ wo a he nyɛli, kɛ ni nɛmɛ nɛ ngɛ mɛ hlae nɛ a gbe ɔ, a dɛ mi. A gbogboe ɔmɛ maa pee lohwe pɛlitsɛmɛ, kɛ pu mi lohwehi a niye ní.

Kɔmɔ Yemi 1:17

“Imi Zion, i wo ye nine nɔ, konɛ a ye bua mi, se balɔ ko ba ji ngmlaa ha mi. Yawɛ ha nɛ mahi nɛ bɔle imi Yakob, ba pee ye he nyɛli. Yerusalem ba pee nɔ́ nɛ a hiee.

Yesaya 2:11

Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Ezekiel 34:5

To hyɛlɔ ko be; lɔ ɔ he ɔ, to ɔmɛ gbɛ fĩa, nɛ lohwe awi yeli ya nuu mɛ nɛ a ye.