Yeremia 12:7 - BAIBLO ALOO NGMAMI KLƆUKLƆU Ɔ

⁷ Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Yeremia 12:7 ပူးပေါင်းရင်းမြစ်များ

Yesaya 2:6

Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

Yeremia 11:15

Yawɛ ke, “Nimli nɛ i suɔ saminya a, yayami sɔuu lɛ a ngɛ pee. Anɛ a ngɛ he blɔ kaa a hii ye we ɔ mi lo? Anɛ a susu kaa ke a wo mi si babauu, nɛ a ngɔ lohwehi kɛ sã bɔ ha mi ɔ, haomi ko nɛ maa ba a nɔ ɔ, a kɛ ní nɛ ɔmɛ a peemi maa tsi jamɛ a haomi ɔ nya lo? Ke e ba mi ja a, anɛ a ma na bua jɔmi lo?

Hosea 9:15

Yawɛ ke, “Israel ma a je a yayami peemi ɔ tsuo sisi ngɛ Gilgal, nɛ lejɛ ɔ a he bɔni mi tai peemi kɛ je. Yi wu tso níhi nɛ a pee ɔ a he ɔ, ma fie mɛ kɛ je zugba a nɔ. I be mɛ suɔe hu; Israel ma nimeli ɔmɛ tsuo tsɔ ye hɛ mi atuã.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Yoel 3:2

Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Yoel 2:15

Nyɛ kpa titimati ngɛ Zion yo ɔ nɔ; nyɛɛ wo mlaa nɛ ma a tsuo nɛ ha hwɔ, nɛ a ba bua a he nya.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Yeremia 51:5

Niinɛ, Israel kɛ Yuda pee yayami kɛ si imi, Israel Nɔ Klɔuklɔu ɔ. Se imi Yawɛ Tabohiatsɛ Mawu ɔ, imi lɛɛ i kua we mɛ.

Yeremia 7:29

“Nyɛ sã nyɛ yi nɔ nɛ nyɛ sake bwɔmi ɔ pue he; nyɛɛ wo yana nɛ nyɛɛ ye kɔmɔ ngɛ yoku kpataa amɛ a nɔ, ejakaa imi Yawɛ ɔ, ye mi mi fu ye ma a, nɛ i kua mɛ.

Yeremia 7:14

Lɔ ɔ he ɔ, bɔ nɛ i pee Shilo ɔ, ja nɔuu ma pee imi nitsɛ ye we nɛ nyɛ ngɔ nyɛ hɛ ngɔ fɔ nɔ nɛ ɔ. Hiɛmɛ nɛ ɔ nɛ i ngɔ kɛ ha nyɛ nɛmɛ, kɛ nyɛ nitsɛmɛ ɔ, bɔ nɛ i pee Shilo ɔ, ja ma pee lɛ.

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Yeremia 17:4

Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”

Yeremia 23:33

Yawɛ de mi ke, “Yeremia, ke ji nimli nɛ ɔmɛ a ti nɔ ko, aloo gbalɔ ko, aloo osɔfo ko bi mo ke, ‘Mɛni ji Yawɛ sɛ gbi?’ ɔ, de lɛ ke, ‘Mo ji tlomi nɛ Yawɛ tloo ɔ nɛ, nɛ e ma sake mo kɛ fɔ he.’

Yeremia 23:39

ma wo a nɔ, nɛ ma sake mɛ kɛ fɔ he ngɛ tsitsaa lokoo, mɛ, kɛ ma a nɛ i ngɔ kɛ ha a kɛ a nɛmɛ.

Hosea 11:1

Benɛ Israel bi ɔmɛ ngɛ kaa jokuɛwi ɔ, i suɔ a sane, nɛ i je mɛ kɛ je Egipt.

Mose V, 33:12

Bɔ nɛ Mose gbaa Benyamin wɛtso ɔ ji nɛ ɔ nɛ: “Yawɛ suɔ Benyamin bi ɔmɛ a sane, nɛ e baa a yi. E buu a he daa ligbi, nɛ e kɛ mɛ ngɛ.”

Matsɛmɛ II, 21:14

Ma a nɛ piɛ ɔ, ma kua mɛ, nɛ ma ngɔ mɛ kɛ wo a he nyɛli a dɛ mi. A maa ye a nɔ nɛ a maa ha a níhi;

La 78:62

E mi mi fu lɛ nitsɛ e ma a wawɛɛ nitsɛ, nɛ e ngɔ mɛ ngɔ ha a he nyɛli nɛ a gbe mɛ kɛ klaate.

La 106:40

Enɛ ɔ he je ɔ, Yawɛ mi mi fu lɛ nitsɛ e ma a, nɛ e kua mɛ.

Yeremia 22:5

Se ke nyɛ yi ye mlaa amɛ a nɔ ɔ lɛɛ i ngɛ ye he kita kae kaa ja matsɛ we nɛ ɔ pee we doku kokooko. Imi, Yawɛ lɛ i de.’ ”