Yeremia 12:6 - BAIBLO ALOO NGMAMI KLƆUKLƆU Ɔ

⁶ Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 12:6 ပူးပေါင်းရင်းမြစ်များ

Hiob 6:15

Se nyɛ ye nyɛmimɛ, nyɛ sisiɔ mi kaa pa nɛ gbli, be mi nɛ hiɔmi nɛ́.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 12:3

Yawɛ, nihi nɛ tuɔ munyu dɔkɔdɔkɔ, kɛ ni nɛmɛ nɛ fĩaa a, mo kpata mɛ tsuo a hɛ mi.

La 69:8

I plɛ pee nubwɔ ha ye nyɛmimɛ; i plɛ pee nɔ kpa ngɛ ye weku li a kpɛti.

Abɛ Womi 23:8

E niye ní bɔbɔyoo nɛ o ye ɔ, o maa vie lɛ tsuo, nɛ o munyu ngɔngɔɛ nɛ o tu kɛ je e yi ɔ maa pee yaka.

Abɛ Womi 26:25

Ke e kɛ mo tu munyu dɔkɔbii ɔ, ko he lɛ nɛ o ye, ejakaa e tsui mi hyi tɔ kɛ ninyɛ sɔuu.

Yesaya 31:4

Yawɛ de mi ke, “Bɔ nɛ to hyɛli kɛ a ngmlaa babauu nyɛ we nɛ a fieɔ jata kɛ jee e de lo he ɔ, ja pɛpɛɛpɛ nɛ nɔ́ ko nɔ́ ko be nyɛe maa tsi imi, Yawɛ Tabohiatsɛ ɔ ye nya kaa ma bu Zion yo ɔ he.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 11:21

Anatot nyumu ɔmɛ hla kaa a maa gbe mi, nɛ a de mi ke, ke i ya nɔ nɛ i fiɛ ngɛ Yawɛ biɛ mi kɛ mwɔɔ ɔ, a maa gbe mi.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 9:4

Nyɛ ti nɔ tsuaa nɔ nɛ hyɛ e he saminya ngɛ e nyɛmi he; nɔ ko nɔ ko nɛ ko ngɔ e hɛ ngɔ fɔ e nyɛmi nɔ. Ejakaa nɔ tsuaa nɔ pee e he Yakob kɛ ngɛ e nyɛmi sisie, nɛ jã kɛ̃ nyɛmi ngɛ e nyɛmi he guɛ gbee kɛ ngɛ bee.

Yeremia 9:5

Nɔ tsuaa nɔ ngɛ e nyɛmi sisie, nɛ nɔ ko nɔ ko tu we anɔkuale. A lilɛ be kɛ lakpa yemi, nɛ a kplɛɛ we kaa a ma kpa yayami peemi.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Yohane 7:5

E nyɛminyumu ɔmɛ tete he we lɛ yi.

Ni Tsumi 16:22

Nɛ a de ja a, kɛkɛ nɛ ma a tsuo te kɛ wo Paulo kɛ Sila. Jehanɛ Roma kojoli ɔmɛ hía tade ɔmɛ ngɛ Paulo kɛ Sila a he, nɛ a fa ke a fia mɛ kpa.

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.