Yeremia 12:14 - BAIBLO ALOO NGMAMI KLƆUKLƆU Ɔ

¹⁴ Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 12:14 ပူးပေါင်းရင်းမြစ်များ

Zakaria 2:8

Nyɛ he jua wa ha mi saminya; lɔ ɔ he ɔ, nɔ nɛ maa ta nyɛ he ɔ, i be lɛ kplɛɛe.” Enɛ ɔ he je ɔ, Yawɛ Tabohiatsɛ ɔ tsɔ mi ke ma ba de je ma amɛ nɛ ba ha e ma a ní ɔ ke,

Yeremia 3:18

Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Mose V, 30:3

lɛɛ Yawɛ, nyɛ Mawu ɔ maa na nyɛ mɔbɔ. E maa kpale nyɛ kɛ je ma je li ɔmɛ a zugba a nɔ, he nɛ e gbɛ nyɛ ngɔ fĩa a; nɛ e ma ha nyɛ ma na ní kpɔtɔɔ ekohu.

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Ezekiel 37:21

De mɛ ke he tsuaa he nɛ ye ma a ngɛ ngɛ je ma amɛ a mi hehi nɛ a ho ɔ, imi Nyɔmtsɛ Yawɛ, ma bua a nya, nɛ ma kpale mɛ tsuo kɛ je lejɛ ɔmɛ kɛ ba mɛ nitsɛmɛ a zugba nɔ.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Ezekiel 28:25

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma kpale ye ma Israel kɛ je je ma amɛ a kpɛti he nɛ i gbɛ mɛ kɛ fĩa a, nɛ je ma amɛ tsuo maa le kaa nɔ klɔuklɔu ji mi. Israel ma a ma ba hi mɛ nitsɛmɛ a zugba nɛ i ngɔ ha ye tsɔlɔ Yakob ɔ nɔ.

Yeremia 48:1

Bɔ nɛ Yawɛ Tabohiatsɛ, Israel Mawu ɔ de ngɛ Moab he ji nɛ ɔ nɛ: “Musu tloo Nebo bi ɔmɛ, ejakaa a kpata a ma a hɛ mi! A pue Kiriataim hɛ mi si, nɛ a ngɔ ma a. A ku mɔ ngua a ngɔ pue si, nɛ a bɔ lɛ ahlua.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

Mose V, 28:63

Kaa bɔ nɛ Yawɛ bua jɔ nyɛ he, nɛ e ha nyɛ plɔke, nɛ nyɛ he hiɛ babauu ɔ, jã kɛ̃ e bua maa jɔ e he, nɛ e ma kpata nyɛ hɛ mi pɛsɛpɛsɛ. A maa fie nyɛ kɛ je zugba nɛ nyɛ yaa ngɔ ɔ nɔ.

Yeremia 48:47

Se be ma nɛ Yawɛ ma ha nɛ Moab maa bɔ ekohu. Nɔ́ nɛ Yawɛ de to ke e maa ba Moab nɔ ɔ, lɔ ɔ ji nɛ ɔ nɛ.

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Ezekiel 28:26

A maa hi si ngɛ tue mi jɔmi, kɛ he jɔmi mi. A maa ma tsuhi, nɛ a ma hu wai ngmɔhi. Nihi tsuo nɛ pue Israel hɛ mi si ɔ, ma gbla a tue, nɛ Israel ma na he jɔmi, kɛ tue mi jɔmi kulaa. Lɔ ɔ loko a ma na maa le kaa imi ji Yawɛ, a Mawu ɔ nɛ.”

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.