Yeremia 12:12 - BAIBLO ALOO NGMAMI KLƆUKLƆU Ɔ

¹² Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yeremia 12:12 ပူးပေါင်းရင်းမြစ်များ

Amos 9:4

Ke a he nyɛli ɔmɛ ba kpaka mɛ kaa nyɔguɛhi kɛ je ɔ, ma ha nɛ a kɛ klaate maa gbe mɛ. I muɔ ye yi mi kpɔ kaa ja i kpata a hɛ mi kokooko, se pi kaa ma pee mɛ kpakpa.”

Yeremia 47:6

Ngmlaa je nyɛ nya nɛ nyɛ bi ke, ‘Yawɛ klaate, mɛni be o ma kpa ní tsumi? Yaa sɛ o kpo ɔ mi, nɛ o jɔɔ o he, nɛ o pee dii!’

Ezekiel 14:17

“Aloo ke i ha nɛ a hwu ta ngɛ zugba a nɔ tsuo, nɛ a kpata nimlihi, kɛ lohwehi a hɛ mi ngɛ nɔ ɔ,

Yesaya 34:6

E klaate ɔ he maa pee kɛ muɔ kɛ zɔ kaa jijɔhi, kɛ akpakpohi a muɔ kɛ zɔ nɛ a kɛ ngɛ bɔ sãe. Yawɛ maa sã bɔ nɛ ɔ ngɛ Bozra ma a mi; e ma pue a muɔ si nyamaa ngɛ Edom zugba a nɔ.

Kpojemi 6:4

Kɛkɛ nɛ okpɔngɔ kpa ba, nɛ lɛɛ e tsuɔ. Mawu ha okpɔngɔ nɔ hilɔ ɔ he blɔ nɛ e kɛ ta nɛ ba je ɔ mi, konɛ nimli nɛ gbe a he. A ha lɛ klaate gagaa ko.

Zefania 2:12

Sudan bi ɔmɛ hu, Yawɛ kɛ klaate maa gbe mɛ.

Ezekiel 5:2

Ke a sa ma a yi se ɔ, ngɔɔ la kɛ sã bwɔmi ɔ mi dlami etɛ mi kake ngɛ ma a kpɛti. Mi dlami etɛ ɔ mi kake hu ngɔɔ klaate ɔ kɛ poo mi kɛ bɔle ma a kɛ kpe. Mi dlami etɛ ɔ mi kake nɛ maa piɛ ɔ, ngɔɔ kɛ fĩa kɔɔhiɔ mi; kɛkɛ ɔ, ma hia klaate ɔ kɛ nyɛɛ a se.

Yeremia 48:2

Moab hɛ mi nyami ɔ ta. He nyɛli ɔmɛ ngɔ Heshbon, nɛ a to kaa a ma kpata Moab zugba a hɛ mi. Madmen ma a hu, a ma ya tua lɛ, nɛ a ma kpata ma a hɛ mi.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Yesaya 57:21

Yiwutsotsɛmɛ be he jɔmi nae gblegbleegble.” Imi, Yawɛ lɛ i de.

Mose III, 26:33

Ma ha ta maa nyɛɛ nyɛ se, nɛ ma gbɛ nyɛ ngɔ fĩa je ma amɛ tsuo a mi. Nyɛ maa je zugba a nɔ, nɛ ma amɛ ma plɛ ma dokuhi.

Mose V, 32:42

Muɔ ma tsle ngɛ ye kɛ̃ɛ̃ mi bi ɔmɛ a he kɛ pue si; nɛ ye klaate ɔ maa gbe nihi nɛ teɔ si woɔ mi ɔ. Nihi nɛ kɛ mi na ta a, a ti nɔ ko nɔ ko be e he yee; nihi nɛ plaa, kɛ nihi nɛ a nuu ngɛ ta mi po, ma gbe mɛ!’

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

Yeremia 4:27

(Yawɛ de ke zugba a tsuo hɛ mi ma kpata mohu lɛɛ, se kɛ̃ ɔ, bɔɔ ko maa piɛ nɛ he maa je mi.)

Yeremia 16:5

“We nɛ ya ngɛ mi ɔ, koo ya lejɛ ɔ. Ko ya ye kɔmɔ ha nɔ ko. I be ye ma a tue mi jɔmi hae hu; ye suɔmi kɛ mɔbɔ nami ɔ hu se po.

Yeremia 25:11

Zugba nɛ ɔ tsuo hɛ mi ma kpata pɛsɛpɛsɛ, nɛ je ma nɛ ɔmɛ ma sɔmɔ Babilonia matsɛ ɔ jeha nyingmi kpaago.

Yeremia 30:5

“Wa nu gbi ko nɛ ngɛ pɛe, sawale kɛ gbeye, se pi tue mi jɔmi.

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

Kɔmɔ Yemi 3:17

I li nɔ́ nɛ a tsɛɛ tue mi jɔmi ɔ, jehanɛ lɛɛ ye hɛ je bua jɔmi po nɔ.

Ezekiel 21:4

Ma ngɔ ye klaate ɔ kɛ gbe ni ɔmɛ tsuo ngɛ zugba a nɔ, kɛ je leneyi je kɛ ya si omleyi je tɔɔ.

Ezekiel 21:28

“Nɔmlɔ adesa, gbaa, nɛ o fiɛ ke Amon bi ɔmɛ nɛ ngɛ Israel hɛ mi si puee ɔ, imi Nyɔmtsɛ Yawɛ, i ngɛ mɛ dee ke, ‘A hia klaate ko nɛ a kɛ ma kpata nihi a hɛ mi. A sa klaate ɔ he, nɛ e ngɛ kpɛe nylamnylam kaa oslabai, konɛ a kɛ gbe nihi.

Yeremia 8:15

Wa hyɛ tue mi jɔmi blɔ, se tue mi jɔmi bɛ; wa hyɛ tsami be blɔ, se gbeye mohu ji nɔ́ nɛ ba.

Ezekiel 21:8

Yawɛ kɛ mi tu munyu ekohu, nɛ e de mi ke,

Ezekiel 21:9

“Nɔmlɔ adesa, gbaa nɛ o de ma a ke, bɔ nɛ imi Nyɔmtsɛ ɔ, i ngɛ dee ji nɛ ɔ nɛ: Klaate oo klaate! A duɔ klaate ko nya; a sa he, nɛ e ngɛ kpɛe nylamnylam.