Yeremia 12:11 - BAIBLO ALOO NGMAMI KLƆUKLƆU Ɔ

¹¹ A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Yeremia 12:11 ပူးပေါင်းရင်းမြစ်များ

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Yeremia 19:8

Ma ha nɛ Yerusalem ma nɛ ɔ maa pee ma doku, kɛ nɔ́ nɛ a hiee; nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e maa ye gbeye ngɛ amanehluhi nɛ maa ba ma a nɔ ɔ he.

Yeremia 10:25

Je ma amɛ nɛ li mo ɔ, o mi mi nɛ fu mɛ; ni nɛmɛ nɛ ja we mo ɔ, gbla a tue. A gbe o ma mi bi nɛ ji Yakob nina a; a kpata wa hɛ mi pɛsɛpɛsɛ, nɛ a pee wa zugba a kaa nga kplanaa nɔ.

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Yeremia 6:8

Nyɛ Yerusalem bi, nyɛɛ kase ní kɛ je haomi nɛ ɔmɛ a mi. Ke pi ja a, ma ngmɛɛ nyɛ he; ma ha nyɛ ma a ma plɛ pee ma doku nɛ nɔ ko nɔ ko be mi hie hu.”

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Romabi 8:22

Wa le kaa kɛ ba su mwɔnɛ nɛ ɔ, adebɔ ní ɔmɛ tsuo ngɛ kɛmɛmi nɔ kaa yo nɛ ngɛ kɔ̃ɔ̃e nɛ e ma fɔ.

Mose III, 26:32

Ma kpata nyɛ zugba a hɛ mi bɔ nɛ ke nyɛ he nyɛli ɔmɛ nɛ ngɛ zugba a nɔ na a, a he mi maa po.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 4:27

(Yawɛ de ke zugba a tsuo hɛ mi ma kpata mohu lɛɛ, se kɛ̃ ɔ, bɔɔ ko maa piɛ nɛ he maa je mi.)

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yeremia 25:11

Zugba nɛ ɔ tsuo hɛ mi ma kpata pɛsɛpɛsɛ, nɛ je ma nɛ ɔmɛ ma sɔmɔ Babilonia matsɛ ɔ jeha nyingmi kpaago.

Yoel 1:10

Ngmɔ ɔmɛ a hɛ mi kpata; zugba a pee mɔbɔmɔbɔ kaa nɔ́ nɛ kɔmɔ e ngɛ yee; ejakaa blɛfo ɔ hɛ mi kpata; wai tso ɔmɛ gbli, nɛ oliv tso ɔmɛ ylɔ.

Yeremia 9:9

Anɛ ma ko gbla a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, ma ko gbla a tue lo? Imi, Yawɛ lɛ i ngɛ munyu tue ɔ nɛ.”

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”