Yeremia 12:1 - BAIBLO ALOO NGMAMI KLƆUKLƆU Ɔ

¹ Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 12:1 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Ezra 9:15

Yawɛ, Israel Mawu, moo lɛɛ dalɔ ji mo, se kɛ̃, o ha wa yi na wami kɛ ba si mwɔnɛ ɔ. Wa ngɛ jajee ngɛ o hɛ mi kaa wa yeɔ fɔ, nɛ e sɛ́ kulaa kaa waa ba o hɛ mi.”

Nehemia 9:33

O ye dami sane kaa o gbla wa tue, ejakaa o ye anɔkuale, be nɛ wɔɔ lɛɛ wa pee yayami.

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 13:3

Imi lɛɛ Mawu Ope ɔ lɛ i kɛ na, se pi nyɛ; ma suɔ nɛ i kɛ lɛ wa hla níhi a nya.

Hiob 24:12

O maa nu nɛ nihi ngɛ kɛmɛe ngɛ ma a mi; o maa nu nɛ nihi nɛ plaa a ngɛ ngmlaa kpae, nɛ a ngɛ yemi kɛ buami hlae. Se Mawu bui mɛ tue fɛɛ.

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.

Hiob 8:17

A sipoku ɔmɛ ngɔɔ a he ya blaa tɛ sahi, nɛ a mɛtɛɛ tɛ sa amɛ a he.

La 116:5

Dloolɔ, kɛ dalɔ ji Yawɛ; ee, wa Mawu ɔ, mɔbɔ nalɔ ji lɛ.

La 119:137

Yawɛ, dalɔ ji mo, nɛ o mlaa amɛ hu da pɛpɛɛpɛ!

La 119:75

Yawɛ, i le kaa o ye dami sane, nɛ o gbla ye tue bɔ nɛ sa mi, ejakaa moo lɛɛ anɔkuale pɛ o yeɔ.

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

La 37:1

Koo ye o tsui ngɛ yayami peeli a he; o hɛ ko kɔ nihi nɛ peeɔ yayami a nɔ.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

La 51:4

Mo, o nɔ nɛ i tɔ̃, mo pɛ nɛ i pee yayami nɛ ɔ kɛ si. Lɔ ɔ he ɔ, fɔ nɛ o bu mi ɔ, e sa mi. Piami ko piami ko be o he.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

La 92:7

Yiwutsotsɛmɛ maa bɔ flɔflɔɔflɔ kaa nga; yayami peeli ma plɔke, nɛ a ma na a he, se nyagbe ɔ, a hɛ mi ma kpata kɛ̃.

Abɛ Womi 1:32

Kuasiahi gboɔ, ejakaa a bui nile; a heɔ mɛ nitsɛmɛ a he yeɔ, nɛ nɔ́ nɛ ɔ kpataa a hɛ mi.

Fiɛlɔ 8:14

Nɔ́ yayami ko nɛ yaa nɔ ngɛ je ɔ mi ji nɛ ɔ nɛ. Be komɛ ɔ, a ngɔɔ yayami peeli a tue gblami kɛ haa dali, nɛ a kɛ dali a ní kpakpahi a he hiɔwo mohu haa yayami peeli. I ngɛ dee ke nɔ́ nɛ ɔ hu dɛ blɔ.

Yesaya 41:21

Yawɛ, Israel matsɛ ɔ ke, “Nyɛ je ma amɛ, nyɛɛ jaje nyɛ sane ɔ nɛ waa nu. Nyɛ je nyɛ we odase ɔmɛ kpo.

Yesaya 48:8

Nyɛ nui hyɛ, nɛ nyɛ li lolo; kɛ je blema lokoo ɔ, nyɛ tue bli we lolo! Ejakaa i le kaa yi wu tso níhi nyɛ peeɔ; kɛ je nyɛ fɔmi be mi tɔɔ ɔ, atuã tsɔli a tsɛɔ nyɛ.

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

Yeremia 12:6

Mo nitsɛ o nyɛmimɛ, kɛ o weku li te si kɛ wo mo; a so o yi nɔ, nɛ a ngɛ o se blɔ hlae kɛ hɛdɔ. Ke a ha mo hɛ mi, nɛ a kɛ mo tu munyu ngɛ he jɔmi mi po, koo ngɔ hɛ kɛ fɔ a nɔ.”

Yeremia 3:20

Se kaa bɔ nɛ yogbayo jeɔ e huno se nɛ e kɛ nyumu kpahi ya naa bɔmi ɔ, jã kɛ̃ lɛ mo hu o yi mi anɔkuale. Imi, Yawɛ lɛ i de.”

Yeremia 3:7

Jinɛ i susu kaa nɛ Israel pee ní nɛ ɔmɛ tsuo se ɔ, e maa kpale kɛ ba ye ngɔ nɛ e ba pee ye nɔ́ ekohu; se e pee we ja. Nɛ e nyɛmiyo Yuda, nɛ lɛ hu e yi anɔkuale kaa lɛ nɔuu ɔ na nɔ́ nɛ ɔ.

Yeremia 32:16

Benɛ i ngɔ zugba a he womi ɔ kɛ ha Baruk, Neria bi ɔ se ɔ, i fa kue ha Yawɛ ke,

Yeremia 5:11

Israel kɛ Yuda tsuo yi mi anɔkuale. Imi, Yawɛ lɛ i de.”

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Ezekiel 18:25

“Nyɛ deɔ ke, ‘Nɔ́ nɛ Nyɔmtsɛ ɔ pee ɔ dɛ.’ Israel bi, nyɛɛ bu mi tue. Nyɛ susuɔ kaa bɔ nɛ i peeɔ níhi ɔ dɛ lo? Anɛ pi nyɛ mohu nɛ nyɛ ní peepee ɔmɛ dɛ lo?

Daniel 9:14

Mo Yawɛ, wa Mawu, o to o yi mi kaa o maa gbla wa tue, nɛ ja ji bɔ nɛ o pee nɛ ɔ nɛ; ejakaa moo lɛɛ nɔ́ nɛ da lɛ o peeɔ. Se wa bui mo tue.

Daniel 9:7

Nyɔmtsɛ, dalɔ ji mo. Wɔɔ lɛɛ zo kpɔtɔɔ gbe wɔ kaa bɔ nɛ o ngɛ wɔ hyɛe mwɔnɛ nɛ ɔ; ejakaa wɔ tsuo pɛpɛɛpɛ, Yuda bi, Yerusalem bi, kɛ Israel ma a tsuo nɛ o gbɛ ngɔ fĩa je ma amɛ a nɔ ɔ, wa ti ni nɛmɛ nɛ ngɛ kpo nya, kɛ ni nɛmɛ nɛ ngɛ lokoo ɔ, wa pee yayami kɛ si mo.

Hosea 6:7

“Se benɛ ma a ya su he ko nɛ a tsɛɛ ke Adam ɔ, a kua mi; somi nɛ i kɛ mɛ so ɔ, a yi nɔ hu.

Habakuk 1:4

Mlaa a he wami ɔ ta, nɛ dami sane yemi be hu; yayami peeli ye dali a nɔ, nɛ daa nɛ ɔ, a plɛ dami sane yemi hɛ mi ngɔ bu si.

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.