Yeremia 11:6 - BAIBLO ALOO NGMAMI KLƆUKLƆU Ɔ

⁶ Jehanɛ Yawɛ de mi ke, “Yaa fiɛ ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ, nɛ o de ni ɔmɛ ke a bu somi munyu ɔmɛ tue, nɛ a ye nɔ.

Yeremia 11:6 ပူးပေါင်းရင်းမြစ်များ

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

Yesaya 58:1

Yawɛ ke, “Kpa ngmlaa boboobo bɔ nɛ o ma nyɛ; ha nɛ o nya nɛ wa wawɛɛ kaa titimati! Jaje ye ma Israel tɔmi ɔmɛ kɛ tsɔɔ mɛ!

Yeremia 19:2

nɛ i kɛ mɛ wa ya gu buɛ sɔli agbo ɔ mi kɛ ya Hinom kɔ̃ ɔ mi. Sɛ gbi nɛ Yawɛ ma ha mi ɔ, ma ya fiɛ ngɛ lejɛ ɔ.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 3:12

E ke ma ya de Israel ke, “Israel, yaholɔ, moo kpale kɛ ba ye ngɔ ekohu; ejakaa mɔbɔ nalɔ ji mi, nɛ i be ye hɛ mi tue kɛ wo mo. Ye mi mi be fue kɛ wo mo kɛ ya neneene.

Zakaria 7:7

Munyu nɛ ɔmɛ nɔuu ji sɛ gbi nɛ Yawɛ ha kɛ gu gbali nɛ sɛ hlami ɔ a nɔ. Jamɛ a be ɔ, Yerusalem na ní kpɔtɔɔ. Jamɛ a be ɔ, nihi babauu ngɛ Yerusalem ma a mi; nɛ kɔpe ɔmɛ nɛ bɔle ma a, kɛ zugba a nɛ ngɛ leneyi je, kɛ yo ɔmɛ a kuɔ si ɔ tsuo hyi tɔ kɛ nimli.

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.