Yeremia 11:5 - BAIBLO ALOO NGMAMI KLƆUKLƆU Ɔ

⁵ Kɛkɛ ɔ, si ko nɛ i wo a nɛmɛ ɔmɛ kaa ma ha mɛ zugba kpakpa nɛ baa ní ɔ, ma ye nɔ. Jamɛ a zugba a nɔ a ngɛ amlɔ nɛ ɔ nɛ.” I he nɔ ke, “Yawɛ, ha nɛ e ba mi ja.”

Yeremia 11:5 ပူးပေါင်းရင်းမြစ်များ

Yeremia 28:6

“Saminya! Yawɛ nɛ pee nɔ́ nɛ ɔ. Gbami nɛ o gba a, Yawɛ nɛ ha nɛ e ba mi, konɛ Yawɛ we ɔ juetli tsuo nɛ a muɔ kɛ ho Babilonia ya, kɛ nihi tsuo nɛ a nuu kɛ ho ɔ, e kpale mɛ kɛ ba hiɛ ɔ ekohu.

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

Mose II, 13:5

Ke Yawɛ kɛ nyɛ ya su zugba kpakpa, zugba nɛ kle nɛ baa ní ɔ nɔ ɔ, nyɛɛ ye nyami be nɛ ɔ ngɛ nyɔhiɔ nɛ ɔ mi daa jeha. Kanaan bi, Hit bi, Amor bi, Hiv bi, kɛ Yebus bi a zugba a nɛ Yawɛ ka nyɛ nɛmɛ kita ke e ma ha nyɛ ɔ nɛ i ngɛ tsɔɔe ɔ nɛ.

Yeremia 32:22

O ha mɛ zugba kpakpa nɛ baa ní saminya nɛ ɔ kaa bɔ nɛ o wo a nɛmɛ ɔmɛ si ɔ.

Kronika II, 6:17

Yawɛ, Israel Mawu lee, i kpa mo pɛɛ, níhi tsuo nɛ o de o tsɔlɔ David ɔ, ha nɛ a ba mi.

La 105:8

E kaiɔ e somi ɔ daa. Si ko nɛ e wo ɔ, e yeɔ nɔ yi nɔhi tsuo.

Yeremia 19:12

I ngɛ ye he kita kae kaa bɔ nɛ i pee Tofet ɔ, ja pɛ ma pee ma nɛ ɔ, kɛ ma mi bi ɔmɛ.