Yeremia 11:22 - BAIBLO ALOO NGMAMI KLƆUKLƆU Ɔ

²² Lɔ ɔ he ɔ, Yawɛ Tabohiatsɛ ɔ de mi ke, “Ma gbla a tue kokooko! Nihewi ɔmɛ ma gbo ngɛ ta nga nɔ, nɛ a bimɛ ɔmɛ lɛɛ hwɔ maa gbe mɛ.

Yeremia 11:22 ပူးပေါင်းရင်းမြစ်များ

Yeremia 18:21

Se Yawɛ, jehanɛ lɛɛ, ha nɛ a bimɛ ɔmɛ nɛ a gbo kɛ hwɔ; ha nɛ a gbe mɛ ngɛ ta mi. Ha nɛ nyɛmɛ ɔmɛ nɛ a pee yalɔyihi kɛ yosahi; ha nɛ gbenɔ hiɔ nɛ gbe tsɛmɛ ɔmɛ, konɛ nihewi ɔmɛ lɛɛ a gbe mɛ ngɛ ta nga nɔ.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Yeremia 9:21

Gbenɔ kuɔ wa saflɛ ɔmɛ kɛ ba sɛ wa mɔ ɔmɛ a mi, nɛ e kpata wa nihewi ɔmɛ, kɛ wa yihewi ɔmɛ a hɛ mi; jokuɛwi pa fiɛ we ngɛ gbɛjegbɛ ɔmɛ a nɔ hu, nɛ nihewi kɛ yihewi ta jua amɛ a nɔ.

Yeremia 21:14

Se imi lɛɛ ma gbla o tue ngɛ nɔ́ nɛ o pee ɔ he. Ma mɛ o matsɛ we ɔ he la, nɛ la a maa sa nɔ́ tsuaa nɔ́ kɛ bɔle si. Imi, Yawɛ lɛ i de.”

Yeremia 44:13

Ma ngɔ ta, hwɔ, kɛ gbenɔ hiɔ kɛ gbla nihi nɛ ngɛ Egipt ɔ a tue kaa bɔ nɛ i gbla Yerusalem tue ɔ.

Yeremia 49:26

Jamɛ a ligbi ɔ, a maa gbe ma nihe ɔ tsuo ngɛ gbɛjegbɛ nɔ, nɛ a ma kpata ta buli ɔmɛ a hɛ mi.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.