Yeremia 11:19 - BAIBLO ALOO NGMAMI KLƆUKLƆU Ɔ

¹⁹ I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 11:19 ပူးပေါင်းရင်းမြစ်များ

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

La 83:4

A ngɛ dee ke, “Nyɛ ha nɛ wa kpata ma a hɛ mi, konɛ biɛ Israel ɔ, nɔ ko kó kai hu.”

La 31:13

I nu nɛ nihi babauu ngɛ ye biɛ puɛe; gbeye níhi bɔle mi kɛ kpe. A ngɛ ye yi nɔ soe, konɛ a gbe mi.

Hiob 28:13

A nɛ nile ngɛ nimli a kpɛti. Nɔ ko nɔ ko li bɔ nɛ e he jua wa ha.

La 27:13

I heɔ yeɔ kaa ma hi je mi kɛ yaa si ma na Yawɛ mi mi himi ɔ ngɛ wami nɛ ɔ mi.

Yesaya 38:11

I susu kaa i be Yawɛ nae gblegbleegble ngɛ hɛ kali a zugba nɛ ɔ nɔ. I susu hu kaa i be ye nyɛmimɛ adesahi nae ngɛ je nɛ ɔ mi hu.

Yesaya 32:7

Nɔ sisilɔ ɔ, ní yayahi a he ga pɛ e toɔ. E yeɔ lakpa konɛ e kɛ kpata dɛgutsɛmɛ a hɛ mi. Ke a sane da po, bɔ nɛ e peeɔ mɛ ji nɛ ɔ nɛ.

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Abɛ Womi 7:22

Kɛkɛ nɛ niheyo ɔ nyɛɛ e se kɛ ho kaa na nɛ a yaa gbe, aloo odabɔ nɛ hlu kɛ yaa sɛ klama mi,

La 116:9

Lɔ ɔ he ɔ, ma ba ye je mi bɔ nɛ sa ngɛ Yawɛ hɛ mi, ngɛ hɛ kali a zugba a nɔ.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

La 142:5

Yawɛ, mo i ngɛ tsɛe ɔ nɛ. I ngɛ dee ke mo pɛ ji ye wesa he ngɛ je ɔ mi.

La 112:6

Nɔ nɛ peeɔ nɔ́ nɛ da a, nɔ́ ko nɔ́ ko be lɛ pee; a ma kai lɛ daa.

La 52:5

Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.

La 35:15

Se benɛ haomi ba ye nɔ ɔ, a nya nɛ a bua a he nya, konɛ a ye ye he fɛu. He guɛ gbeli ba bɔle mi nɛ i li; a gbe ye he guɛ nɛ he jɔɔmi be mi.

Yeremia 26:8

Benɛ i de nɔ́ tsuaa nɔ́ nɛ Yawɛ fa mi ke ma de ɔ gbe nya a, osɔfo ɔmɛ, gbali ɔmɛ, kɛ ma a tsuo nu mi. Nɛ a de ke, “Ja o gbo!

Kɔmɔ Yemi 3:60

O le bɔ nɛ ye he nyɛli ɔmɛ sume ye sane ha. O le bɔ nɛ a so ye yi nɔ.

Ezekiel 32:24

“Elam ngɛ lejɛ ɔ; e ta buli kpekpemi ɔ nɛ nɔ ngɛ ta a mi ɔ a gbogboe ɔmɛ hu ngɛ a yɔkɔ ɔmɛ a mi; a bɔle lɛ kɛ kpe. Nihi nɛ gbo ngɛ ta mi nɛ ɔ, mɛ tsuo a ho gbeje ya kɛ mɔmlɔtɔ. Benɛ a ngɛ wami mi ɔ, a wo nihi a he gbeye wawɛɛ, se jehanɛ lɛɛ a gbo kɛ fɔɔ si kɛ zo kpɔtɔɔ.

Abɛ Womi 24:15

Koo pee o ní kaa yiwutsotsɛmɛ nɛ woɔ nimli kpakpahi ka nɛ a ngɔɔ a níhi, aloo a kpɔɔ a wehi ngɛ a dɛ pani nya.

Hosea 9:8

Mawu tsɔ imi, e gbalɔ ɔ, kaa ma ba tu munyu kɛ tsɔɔ e ma Israel ɔ. Se he tsuaa he nɛ ma ya a, nyɛ tsɔ̃ mi klama kaa a tsɔ̃ɔ̃ lohwe pɛlitsɛ klama. Mawu we ɔ nitsɛ po, ninyɛ sɔuu lɛ ngɛ lejɛ ɔ.