Yeremia 11:13 - BAIBLO ALOO NGMAMI KLƆUKLƆU Ɔ

¹³ Bɔ nɛ Yuda ma amɛ hiɛ ɔ, jã kɛ̃ a mawu ɔmɛ hu hiɛ. Bɔ sami la tɛhi nɛ Yerusalem bi ɔmɛ ma, nɛ a sãã tsopa kɛ e he via ngɛ a nɔ kɛ haa yakayaka mawu ɔ nɛ a tsɛɛ Baal ɔ, jamɛ a bɔ sami la tɛ ɔmɛ a he hiɛ babauu kaa gbɛjegbɛhi nɛ ngɛ ma a mi ɔ kɛ̃.

Yeremia 11:13 ပူးပေါင်းရင်းမြစ်များ

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Matsɛmɛ II, 23:13

Yosia ble bɔ sami la tɛhi nɛ Matsɛ Salomo puɛ ngɛ Yerusalem beleku je kɛ yaa Oliv yo ɔ leneyi je kɛ ha yakayaka amaga nɛ ɔmɛ ɔ: Sidon bi ɔmɛ a yo mawu ɔ nɛ a tsɛɛ Astarte ɔ, Moab bi ɔmɛ a mawu ɔ nɛ a tsɛɛ Kemosh ɔ, kɛ Amon bi ɔmɛ a mawu ɔ nɛ a tsɛɛ Milkom ɔ.

Hosea 12:11

Se kɛ̃, a ngɛ yayami pee kɛ mwɔɔ; a jaa amaga ngɛ Gilead, nɛ a kɛ na ku sãã bɔ ngɛ Gilgal. Lɔ ɔ he ɔ, ma kpata a hɛ mi; bɔ sami la tɛ ɔmɛ hu maa ywia, nɛ tɛ ɔmɛ ma pue si glekuu glekuu ngɛ ngmɔ ɔmɛ a mi.”

Yeremia 32:35

A ya ma bɔ sami la tɛhi ha Baal ngɛ Hinom kɔ̃ ɔ mi, konɛ a ngɔ a binyumu ɔmɛ, kɛ a biyi ɔmɛ kɛ sã bɔ ha mawu ɔ nɛ a tsɛɛ lɛ Molek ɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye yi mi po hyɛ kaa a maa pee nɔ́ ko kaa kikɛ nɛ ɔ nɛ a kɛ ha nɛ Yuda ma a nɛ pee yayami.”

Yeremia 19:5

nɛ a ma bɔ sami la tɛhi kɛ ha Baal, konɛ a kɛ a bimɛ nɛ sã sami bɔ ngɛ nɔ. I wui mɛ mlaa ke a pee nɔ́ ko kaa kikɛ nɛ ɔ; e bɛ ye juɛmi mi hyɛ po.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Yeremia 3:24

Baal jami kpata níhi tsuo pɛpɛɛpɛ nɛ wa nɛmɛ ɔmɛ gbo dengme kɛ na ha wɔ blema a, tohi, nahi, kɛ binyumuhi kɛ yihi a hɛ mi.

Yesaya 2:8

Amagahi hyi a zugba a nɔ; nɛ níhi nɛ mɛ nitsɛmɛ a ngɔ a nine kɛ pee ɔ, lɔ ɔmɛ a jaa.

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 44:21

“Tsopa kɛ e he via nɛ nyɛɛ kɛ nyɛ nɛmɛ ɔmɛ, nyɛ matsɛmɛ ɔmɛ, nyɛ ma nimeli ɔmɛ, kɛ ma mi bi ɔmɛ sã ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ, anɛ nyɛ susu kaa Yawɛ li lo? Nyɛ bu kaa e hɛ je nɔ?

Yeremia 48:35

Ma ha nɛ Moab bi ɔmɛ ma kpa sami bɔ sami ngɛ a jami he ɔmɛ, nɛ tsopa kɛ e he via nɛ a sãã ha a mawu ɔmɛ hu se maa po. Imi, Yawɛ lɛ i de.

Ezekiel 16:24

o pee jami hehi nɛ ya hiɔwe ngɛ blɔ ɔmɛ tsuo a mi kɛ ha o he.

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Kronika II, 28:25

E po jami hehi ngɛ Yuda mahi, kɛ kɔpehi tsuo a mi, konɛ a sã tsopa kɛ e he via ngɛ lejɛ ɔmɛ kɛ ha ma se mawuhi. Bɔ nɛ e pee kɛ wo Yawɛ, e nɛmɛ a Mawu ɔ mi mi la ji nɛ ɔ nɛ.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 17:1

Yawɛ ke, “Nyɛ Yuda bi, nyɛ he yayami ɔ, dade ningma tso a kɛ ngma; a kɛ sika tɛ nya piɔpiɔ ngma ngɛ nyɛ tsui mi, nɛ a kpɛ́ ngɛ nyɛ bɔ sami la tɛ koli ɔmɛ a nɔ.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 44:5

Se nyɛ bui tue. Nyɛ yaa nɔ nɛ nyɛ sãã tsopa kɛ e he via kɛ haa mawu kpahi, nɛ nyɛ kpale we kɛ ji nyɛ blɔ yayami ɔmɛ a nɔ.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.