Yeremia 11:12 - BAIBLO ALOO NGMAMI KLƆUKLƆU Ɔ

¹² Ke e ba mi ja a, nihi nɛ ngɛ Yuda ma amɛ a mi, kɛ Yerusalem ɔ ma ya fa kue ha mawu ɔmɛ nɛ a sãã tsopa kɛ e he via kɛ haa a. Se kikɛmɛ a mawu nɛ ɔmɛ be nyɛe ma he a yi wami ngɛ jamɛ a haomi be ɔ mi.

Yeremia 11:12 ပူးပေါင်းရင်းမြစ်များ

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Mose V, 32:37

Kɛkɛ ɔ, Yawɛ ma bi e ma a ke, ‘Mawu ngua amɛ nɛ nyɛ ngɔ nyɛ hɛ kɛ fɔ a nɔ ɔ, jije a ngɛ?

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Manyadali 10:14

Nyɛɛ ya nɛ nyɛ ya kpa ngmlaa kɛ tsɛ mawu ɔmɛ nɛ nyɛ hla kɛ ha nyɛ he ɔ; nyɛ ha nɛ a he nyɛ yi wami ngɛ nyɛ we amanehlu be nɛ ɔ mi!”

Mose V, 32:38

Nyɛ lɛ mɛ kɛ lohwehi nɛ wo zɔ, nɛ nyɛ ngɔ dã kɛ sã bɔ ha mɛ. Lɛɛ, nyɛ ha nɛ a je ngmlaa ha nyɛ; nyɛ ha nɛ a he nɛ sɔ kɛ ba kpɔ nyɛ koo!’

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.