Yeremia 11:11 - BAIBLO ALOO NGMAMI KLƆUKLƆU Ɔ

¹¹ Lɔ ɔ he ɔ, imi Yawɛ, i ngɛ mɛ dee ke, ma ha nɛ haomi maa ba a nɔ nɛ a he be mi jee. Ke a fa kue ha mi po, i be mɛ tue bue.

Yeremia 11:11 ပူးပေါင်းရင်းမြစ်များ

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Yesaya 1:15

“Ke nyɛ wo nyɛ nine nɔ, nɛ nyɛ ngɛ sɔlee ɔ, i be nyɛ hyɛe; nyɛ nine he pee kɛ muɔ.

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Zakaria 7:13

Akɛnɛ ke i de nɔ́ ko nɛ a bui tue he je ɔ, ke a fa kue ɔ, i he we nɔ.

Mika 3:4

Be ma nɛ nyɛ ma kpa ngmlaa kɛ tsɛ Yawɛ, se e be nyɛ nya mi poe. E be nyɛ kue fami ɔ tue bue, ejakaa nyɛ pee yayami.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Matsɛmɛ II, 22:16

sɛ gbi nɛ ɔ nɛ je Yawɛ ngɔ ɔ ya ha lɛ: “Ma gbla Yerusalem, kɛ ma mi bi ɔmɛ tsuo a tue kaa bɔ nɛ a ngma ngɛ womi nɛ matsɛ ɔ kane ɔ mi ɔ.

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 6:19

Je ɔ, bu tue! Ma ngɔ haomi kɛ ba ma nɛ ɔ nɔ kaa yayamihi nɛ mɛ nitsɛmɛ a pee ɔ he tue gblami. Ejakaa a bui ye munyu ɔmɛ tue, nɛ ye mlaa a hu a yi nɔ.

Yesaya 24:17

Nyɛ nihi tsuo ngɛ je ɔ mi, gbeye níhi ngɛ blɔ nɔ ha nyɛ; a tsua muɔ voovoohi ha nyɛ, nɛ a tsɔ nyɛ klamahi.

La 18:41

A kpa ngmlaa kaa nɔ ko ma ba piɛ a he lo, se nɔ ko ji ngmlaa ha mɛ. A tsɛ Yawɛ, se e pui a nya mi.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Amos 5:19

Jamɛ a ligbi ɔ, nyɛ sane maa pee kaa nyumu ko nɛ tu fo kɛ je jata nya mi, nɛ e kɛ osisiblisi ya kpe! Aloo nyumu ko nɛ je pu mi kɛ ba we mi kɛ pɔtɔ. Benɛ e kpasa gbogbo nɛ́ e jɔɔ e he ɔ, kɛkɛ sinɔ kɔ lɛ.

Ezekiel 7:5

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Amanehlu nyɛɛ amanehlu se kɛ ma!

Yeremia 36:31

Ma gbla mo, kɛ o nina, kɛ o ma nimeli ɔmɛ a tue ngɛ nyɛ ní yayami ɔmɛ a he. Mo jio, Yerusalem ma mi bi ɔmɛ jio, Yuda bi ɔmɛ jio, nyɛ ti nɔ ko nɔ ko bui ye kɔkɔ bɔmi munyu ɔmɛ tue fɛɛ. Lɔ ɔ he ɔ, ní yayamihi nɛ i to kaa a maa ba nyɛ nɔ ɔ, jehanɛ lɛɛ ma ha nɛ jamɛ a ní ɔmɛ maa ba nyɛ tsuo nyɛ nɔ.’ ”

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Yeremia 23:12

Blɔhi nɛ a ngɛ nɔ nyɛɛe ɔ, blɔ ɔmɛ a nɔ maa sla, nɛ a maa wo diblii; ma ha nɛ a ma tɛ nɔ, nɛ a maa nɔɔ si. I kɛ haomi maa ba a nɔ; a tue gblami be ɔ su ta. Imi, Yawɛ lɛ i de.

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Yeremia 19:3

Yawɛ ke ma de ke, “Yuda matsɛmɛ, kɛ Yerusalem ma mi bi, nyɛɛ bu nɔ́ nɛ imi Yawɛ Tabohiatsɛ, Israel Mawu ɔ, i ngɛ dee ɔ tue. I kɛ haomi nɛ nya wa maa ba hiɛmɛ nɛ ɔ, nɛ nɔ tsuaa nɔ nɛ maa nu he ɔ, e he mi maa po.

Yeremia 15:2

Ke a bi mo ke jije a maa ya a, de mɛ ke bɔ nɛ imi Yawɛ, i de ji nɛ ɔ nɛ: Nihi nɛ hiɔ maa gbe ɔ, ha nɛ hiɔ nɛ gbe mɛ! Ni nɛmɛ nɛ maa nɔ ta a, ha nɛ a nɔ ta! Nihi nɛ hwɔ maa gbe ɔ ha nɛ hwɔ nɛ gbe mɛ! Ni nɛmɛ hu nɛ a maa nuu nyɔguɛ ɔ, ha nɛ a nuu mɛ nyɔguɛ kɛ ho!

Yeremia 11:14

Lɔ ɔ he ɔ, Yeremia, ko kpa pɛɛ ha kikɛmɛ a ma nɛ ɔ; koo da a nane mi nɛ o kɛ fa kue ha mi. Ke amanehlu ba a nɔ nɛ a fa kue ha mi ɔ, i be mɛ tue bue.”

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

La 66:18

Kaa pe i suɔ yayami, nɛ i ngɔ kɛ laa ngɛ ye tsui mi ɔ, Nyɔmtsɛ ɔ ko bui mi tue.

Kronika II, 34:24

sɛ gbi nɛ je Yawɛ ngɔ nɛ ɔ ya ha lɛ ke, “I kɛ gbiɛmi munyuhi nɛ a ngma ngɛ womi ɔ nɛ a kane ha lɛ matsɛ ɔ maa gbla Yerusalem, kɛ Yerusalem ma mi bi ɔmɛ tsuo a tue.

Hiob 35:13

Niinɛ, Mawu bui yaka ngmlaa tue; Mawu Ope ɔ bui he akɔtaa.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 18:11

Lɔ ɔ he ɔ, de Yuda ma a, kɛ Yerusalem ma mi bi ɔmɛ ke, i ngɛ a yi nɔ soe, nɛ ma gbla a tue. De mɛ ke a jɔɔ yayami peemi, nɛ a dla a blɔ ɔmɛ, nɛ a pee nɔ́ nɛ da.

Yeremia 25:35

Nyɛ be blɔ nae kɛ tu fo.

Kɔmɔ Yemi 2:22

O kpee ye he nyɛli ɔmɛ kɛ ba nɛ a ba bɔle mi kaa nɔ́ nɛ a ngɛ nyami ligbi yee. Ligbi ɔ nɛ o mi mi wo la a, nɔ ko nɔ ko nyɛ we nɛ e ye e he. Ye bimɛ nɛ i lɛ, nɛ i suɔ mɛ ɔ, he nyɛli ɔmɛ gbe mɛ tsuo.

Ezekiel 14:3

“Nɔmlɔ adesa, ni nɛmɛ nɛ ngɔ a hɛ ngɔ fɔ amagahi a nɔ kɛ a tsui tsuo, nɛ lɔ ɔ he ɔ, yayami pɛ a peeɔ ɔ, anɛ a susuɔ kaa ma ha a ba bi ní ngɛ ye ngɔ lo?