Yeremia 10:9 - BAIBLO ALOO NGMAMI KLƆUKLƆU Ɔ

⁹ A kɛ sika hiɔ nɛ a si nɔ jeɔ Spania, nɛ a kɛ sika tsu hu jeɔ Ufaz kɛ ba haa sika ga ní tsuli, nɛ a kɛ peeɔ amagahi. A buɔ amaga amɛ bo hiɔ, kɛ bo he jua wawɛ nɛ hɛɛ alamua tu su nɛ bo loli kpakpahi lo.

Yeremia 10:9 ပူးပေါင်းရင်းမြစ်များ

Matsɛmɛ I, 10:22

Matsɛ Salomo jua yemi lɛ ɔmɛ, kɛ Hiram ní ɔmɛ bla kɛ tsu ní ngɛ wo ɔ nɔ. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.

Kronika II, 9:21

Matsɛ Salomo ngɛ jua yemi lɛhi nɛ yaa Spania. Hiram tsɔli ji nihi nɛ tsuɔ ní ngɛ lɛ ɔmɛ a mi. Daa jeha etɛ ɔ, Salomo lɛ ɔmɛ ngɔɔ sika tsu, sika hiɔ, suɔ wu, siato, kɛ anguɛ kɛ baa we.

La 115:4

Se ni ɔmɛ a we amaga amɛ lɛɛ sika hiɔ, kɛ sika tsu ji mɛ, níhi nɛ nimli adesahi ngɔ a nine kɛ pee kɛkɛ.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Yesaya 23:6

Nyɛ Fonisia bi, nyɛɛ tu fo kɛ ya Spania!

Yesaya 40:19

Amaga lo? Amaga nɛ tso galɔ kpɛ, nɛ sika galɔ ngɔ sika tsu kɛ ha he, nɛ e ngɔ sika hiɔ kɔsɔkɔsɔ ngɔ kpla lɛ ɔ!

Ezekiel 27:12

“Spania kɛ mo ye jua, ejakaa o ngɛ guɛ ní babauu, nɛ a kɛ sika hiɔ, dade, sanylaa, kɛ sumui ba tsakee o guɛ ní ɔmɛ.

Ezekiel 27:7

Kploba a kɛ pee o mi abalaa amɛ, kploba nɛ a lo ní wo mi saminyayoo kɛ je Egipt. A yoɔ abalaa amɛ ngɛ se lokoo. Nɔ́ nɛ ha lɛ ɔ yi mi ɔ, bo bluu, kɛ bo he jua wawɛ nɛ hɛɛ alamua tu su a kɛ pee. A kɛ enɛ ɔmɛ tsuo je Kipro zugba nɛ wo bɔle lɛ ɔ nɔ.

Daniel 10:5

Benɛ i wo ye yi nɔ ma hyɛ ɔ, nyumu ko ji nɛ ɔ nɛ ha kploba kɛ e mlɛ mi sika tsu mlɛ mi fimi nɔ.

Hosea 8:6

Ga ní tsulɔ ko lɛ puɛ amaga a, pi mawu ji lɛ! Sika tsu amaga a nɛ ngɛ Samaria a, ma ku e mi dukuduku!

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!