Yeremia 10:8 - BAIBLO ALOO NGMAMI KLƆUKLƆU Ɔ

⁸ Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 10:8 ပူးပေါင်းရင်းမြစ်များ

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Habakuk 2:18

Mɛni se nami ngɛ amaga he? E ji nɔ́ ko kɛkɛ nɛ nɔmlɔ adesa pee, nɛ lakpa pɛ e toɔ. Mɛni se nami ngɛ he ha nɔ nɛ pee lɛ ɔ, kaa e maa ngɔ e hɛ kɛ fɔ e nɔ; mawu nɛ nyɛ we munyu tete po nɛ e tuɔ ɔ!

Yesaya 44:19

Amaga peelɔ ɔ be juɛmi, loo e kɔ we nɔ́ se nɛ e ma de ke, “Hyɛ kaa i sã tso ɔ fa kaa lɛ́; i sã abolo ngɛ la a mi; i ngɔ la a kɛ sã de lo, nɛ i ye. Anɛ nɔ́ nɛ piɛ ɔ, ma kɛ puɛ amaga lo? Anɛ ma kpla si ha tso kpoku lo?”

Yesaya 41:29

Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

La 135:18

I ná nɛ nihi nɛ pee mɛ, kɛ nihi nɛ ngɔ a hɛ kɛ fɔ a nɔ ɔ tsuo pee kaa amaga amɛ nɛ a pee ɔ nɔuu!

La 115:8

Nihi nɛ pee mɛ ɔ ngɛ kaa amaga amɛ nɔuu. Ni nɛmɛ nɛ ngɔɔ a hɛ kɛ fɔɔ a nɔ ɔ, jã kɛ̃ a ngɛ.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Yesaya 44:18

Nɔ́ nɛ a ngɛ pee ɔ, a li, nɛ a nui sisi hulɔ. A nga a hɛngmɛ, konɛ a ko hyɛ nɔ́, a tsi a juɛmi nya, konɛ a ko nu nɔ́ sisi.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 5:4

Kɛkɛ nɛ i de ke, “Nimli guhi kɛkɛ ji nimli nɛ ɔmɛ; a be juɛmi; a biɛ. A li Yawɛ, a Mawu ɔ blɔ ɔmɛ. Kɛ a maa pee kɛ bu lɛ tue kɛɛ?

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.