Yeremia 10:7 - BAIBLO ALOO NGMAMI KLƆUKLƆU Ɔ

⁷ Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

Yeremia 10:7 ပူးပေါင်းရင်းမြစ်များ

Matsɛmɛ II, 17:39

Nyɛɛ ye imi Yawɛ, nyɛ Mawu ɔ gbeye; nɛ ma je nyɛ kɛ je nyɛ he nyɛli ɔmɛ tsuo a dɛ mi.”

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

Ester 1:13

Ke sane kaa kikɛ nɛ ɔ ba a, matsɛ ɔ tsɛɔ ga woli nɛ a woɔ lɛ ga. Lɔ ɔ he ɔ, e tsɛ e ga woli nɛ le a mlaa amɛ, kɛ kusumi ɔmɛ saminya a, konɛ a tsɔɔ lɛ nɔ́ nɛ sa nɛ e pee.

La 147:5

Nyɔmtsɛ ɔ kle; e ngɛ he wami babauu, nɛ e nile hu a li nya.

La 22:28

Yawɛ ji matsɛ; lɛ nɛ e yeɔ je ma amɛ a nɔ.

La 47:3

E jɔɔ ma amɛ a he ha wɔ, konɛ waa ye a nɔ.

La 72:11

Matsɛmɛ ɔmɛ tsuo nɛ a ba kpla si ngɛ e hɛ mi, nɛ je ma amɛ tsuo nɛ a sɔmɔ lɛ!

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

La 86:8

Nyɔmtsɛ, mawu ko mawu ko be nɛ kɛ mo sɔ; níhi nɛ o pee ɔ hu, nɔ́ ko nɔ́ ko be nɛ a kɛ maa to a he.

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

La 89:6

Yawɛ, mɛnɔ lɛ ngɛ hiɔwe nɛ ngɛ kaa mo? Hiɔwe nibɔ ní ɔmɛ te nɔ́ nɛ kɛ mo sɔ?

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yeremia 10:6

Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Daniel 2:27

Daniel he nɔ ke, “Nɛnɛ, laami sane nɛ o bi nɛ ɔ, ní lelɔ, aloo klaalɔ, aloo kunya yelɔ, aloo nyɔhiɔ mi hyɛlɔ ko be nɛ ma nyɛ maa tsɔɔ mo.

Daniel 2:28

Se Mawu ko ngɛ hiɔwe nɛ jeɔ laami sanehi kpo ngɔ tsɔɔ. Mawu nɛ ɔ ji nɔ nɛ je ngɔ tsɔɔ mo Matsɛ Nebukadnezar ngɛ nlami mi, nɔ́ nɛ maa ba hwɔɔ se ɔ nɛ. Nlami nɛ o nla, kɛ nina nɛ o na, benɛ o hwɔ mahe ɔ ji nɛ ɔ nɛ.

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Luka 12:5

Ma tsɔɔ nyɛ nɔ nɛ sa nɛ nyɛɛ ye gbeye. Nyɛɛ ye Mawu gbeye, ejakaa lɛɛ e ngɛ he wami nɛ e kɛ gbee nɔ, nɛ ke e gbe nɔ ɔ se ɔ, e ngɛ he wami nɛ e kɛ sakee nɔ ɔ kɛ fɔɔ Abosiami a je la a mi.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Yoshua 4:24

Enɛ ɔ ma ha je ɔ tsuo maa na Yawɛ he wami ɔ, nɛ nyɛ maa ye Yawɛ, nyɛ Mawu ɔ gbeye daa.”

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”