Yeremia 10:6 - BAIBLO ALOO NGMAMI KLƆUKLƆU Ɔ

⁶ Yawɛ, nɔ ko nɔ ko be nɛ kɛ mo sɔ; O je agbo, nɛ o biɛ hu kle nɛ e je agbo ja nɔuu.

Yeremia 10:6 ပူးပေါင်းရင်းမြစ်များ

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

La 96:4

Yawɛ kle agbo; e sa nɛ a je e yi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.

La 48:1

Yawɛ kle, nɛ e sa kaa a je e yi saminya. A je e yi ngɛ wa Mawu ɔ ma a mi ngɛ yo klɔuklɔu ɔ nɔ.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

La 145:3

Yawɛ kle, nɛ e sa kaa a je e yi wawɛɛ nitsɛ. E kle pe bɔ nɛ adesa juɛmi ma nyɛ maa su he.

Daniel 4:3

“Mawu okadi, ɔmɛ kle! E nyakpɛ ní ɔmɛ a he ngɛ gbeye! Mawu matsɛ yemi ɔ ngɛ kɛ yaa neneene! Mawu maa ye matsɛ daa.

La 147:5

Nyɔmtsɛ ɔ kle; e ngɛ he wami babauu, nɛ e nile hu a li nya.

Samuel II, 7:22

Yawɛ Mawu lee, o kle agbo! Nɔ ko nɔ ko be nɛ ngɛ kaa mo; níhi nɛ wa nu ɔ tsɔɔ kaa mo pɛ ji Mawu.

Yeremia 32:18

O jeɔ o suɔmi nɛ se pui gblegbleegble ɔ ngɔ tsɔɔ ni akpeakpe. Se kɛ̃ ɔ, o kɛ tsɛmɛ a tɔmi gblaa bimɛ a tue. Mawu nɛ kle, nɛ ngɛ he wami ji mo; o biɛ ji Yawɛ Tabohiatsɛ.

Yesaya 40:25

Mɛnɔ he nyɛ maa ngɔ Mawu Klɔuklɔu ɔ kɛ to? Mɛnɔ kɛ lɛ sɔ?

Mose II, 8:10

Farao ɔ de lɛ ke, “Hwɔɔ nɛ o sɔle ha mi.” Mose de lɛ ke, “Ma pee kaa bɔ nɛ o bi ɔ, konɛ o na nɛ o le kaa nɔ ko nɔ ko be nɛ ngɛ kaa Yawɛ, wa Mawu ɔ.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Yesaya 46:9

Nyɛ kai níhi nɛ i pee blema lokoo ɔ; ejakaa Mawu kpa ko be nɛ kɛ mi sɔ.

Yesaya 46:5

“Yawɛ ngɛ bie ke, ‘Mɛnɔ he nyɛ maa ngɔ mi kɛ to? Nɔ ko ngɛ nɛ kɛ mi sɔ lo?’

Yesaya 40:18

Mɛnɔ he nyɛ maa ngɔ Mawu kɛ to mɔ? Nɛ mɛni subai nyɛɛ kɛ maa to e he?

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Mose V, 32:31

He nyɛli ɔmɛ le kaa a mawu ɔmɛ be he wami ko kaa Israel Mawu ɔ.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

1 Korintobi 8:6

kɛ̃ ɔ, wɔɔ lɛɛ Mawu kake too nɛ ji Tsɛ ɔ, lɛ pɛ wa ngɛ. Lɛ nɛ bɔ níhi tsuo, nɛ lɛ nɛ ha nɛ wa ngɛ wami mi. Wa ngɛ Nyɔmtsɛ kake hulɔ; lɛ ji Yesu Kristo. E nɔ Mawu gu kɛ bɔ nɔ́ tsuaa nɔ́, nɛ lɛ nɛ ha nɛ wa ngɛ wami mi.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Kronika I, 16:25

Yawɛ kle, nɛ e sa yi jemi wawɛɛ nitsɛ. E sa nɛ a wo e hɛ mi nyami pe mawu ɔmɛ tsuo.