Yeremia 10:5 - BAIBLO ALOO NGMAMI KLƆUKLƆU Ɔ

⁵ Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yeremia 10:5 ပူးပေါင်းရင်းမြစ်များ

Matsɛmɛ I, 18:26

A nu na ku ɔ nɛ a ha mɛ ɔ, nɛ a pee lɛ kaa bɔ nɛ Eliya de mɛ ɔ; a fa kue ha Baal kɛ je mɔtu kɛ ya si piani. A kpa huhui ke, “Baal lee, moo bu wɔ tue oo!” Jamɛ a be ɔ mi ɔ, a ngɛ hlue kɛ ngɛ bɔ sami la tɛ ɔ nɛ a puɛ ɔ bɔlee. Se nɔ ko he we nɔ.

Kronika II, 25:15

Nɔ́ nɛ ɔ ha nɛ Yawɛ mi mi fu Amazia, nɛ e tsɔ gbalɔ ko kɛ ba e ngɔ. Gbalɔ ɔ ba bi lɛ ke, “Ma se mawuhi nɛ a nyɛ we nɛ a je mɛ nitsɛmɛ a ma mi bi kɛ je o dɛ mi ɔ, mɛni he je o ngɛ mɛ jae?”

Yesaya 16:12

Moab bi ɔmɛ ngɛ dengme gboe kɛ ngɛ a jami he ɔmɛ yae ngɛ yo ɔmɛ a nɔ; a ngɛ a gba tsu ɔmɛ a mi yae ya ngɛ kue fae, se lɛ tsuo maa pee yaka.

Yesaya 45:20

Yawɛ ke, “Nyɛ je ma amɛ tsuo, nyɛ nihi nɛ nyɛ yi na wami ɔ, nyɛ bua nyɛ he nya kɛ ba! Nyɛ nihi nɛ hɛɛɔ tso amagahi kɛ hii nyɛɛe, nɛ nyɛ hii sɔlee ha mawuhi nɛ be yi wami nyɛe ma he, nyɛ li nɔ́ ko nɔ́ ko fɛɛ!

Yesaya 46:1

“Babilon mawu ɔmɛ a nyagbe ji nɛ ɔ nɛ. Be ko ɔ, a ja Bel kɛ Nebo. A hɛɛɔ mɛ kɛ hii si poe. Se jehanɛ lɛɛ a plɛ pee tlomi ngɛ tejihi nɛ pɔ tɔ mɛ a se mi.

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Mose V, 4:28

Nyɛ ma ya sɔmɔ mawuhi nɛ a kɛ nɔmlɔ adesa nine pee ngɛ lejɛ ɔ, mawuhi nɛ a kɛ tso pee, mawuhi nɛ a kɛ tɛ pee, mawuhi nɛ hyɛ we nɔ́, nɛ a nui nɔ́, kɛ mawuhi nɛ a yi ní, nɛ a nui nɔ́ he fu.