Yeremia 10:4 - BAIBLO ALOO NGMAMI KLƆUKLƆU Ɔ

⁴ nɛ a kɛ sika hiɔ kɛ sika tsu haa he. A kaa plɛɛko kɛ woɔ tso ɔ mi nɛ a kɛ nuu tso ɔ ngɔ daa si konɛ e ko nɔ si.

Yeremia 10:4 ပူးပေါင်းရင်းမြစ်များ

La 115:4

Se ni ɔmɛ a we amaga amɛ lɛɛ sika hiɔ, kɛ sika tsu ji mɛ, níhi nɛ nimli adesahi ngɔ a nine kɛ pee kɛkɛ.

La 135:15

Je ma amɛ a we amaga amɛ ɔ, sika hiɔ kɛ sika tsu sɔuu, nimli adesahi a nine nya ní tsumi ji mɛ.

Yesaya 44:12

Sɔ̃lɔ ngɔɔ dade kɛ woɔ la mi, nɛ e dɔɔ la. E kɛ e he wami woɔ hamle nɔ kɛ fiaa dade ɔ nɛ e kɛ sɔ̃ɔ̃ nɔ́ ko. Ke e ngɛ nɔ́ ɔ sɔ̃e ɔ, hwɔ kɛ kuma yee lɛ, nɛ pɔ tɔɔ lɛ.

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!