Yeremia 10:23 - BAIBLO ALOO NGMAMI KLƆUKLƆU Ɔ

²³ Yawɛ, i le kaa nɔmlɔ adesa ko be he wami ngɛ lɛ nitsɛ e wami nɔ. Pi nɔmlɔ adesa nitsɛ he wami nya ji kaa e maa pee kikɛ nɛ ɔ, loo kikɛ nɛ ɔ.

Yeremia 10:23 ပူးပေါင်းရင်းမြစ်များ

La 17:5

O blɔ ɔ nɔ lɛ i nyɛɛɔ daa; i sane we kɛ ji nɔ hyɛ gblegbleegble.

La 37:23

Yawɛ lɛ tsɔɔ nɔ blɔ nɛ sa nɛ e nyɛɛ nɔ. Nɛ ke o pee saminya a, e naa o he bua jɔmi.

Abɛ Womi 16:1

Nɔmlɔ ma nyɛ maa to nɔ́ ko he ga ngɛ e yi mi. Se kaa nɔ́ ɔ maa hi, loo e be hie ɔ, lɔ ɔ lɛɛ e ngɛ Yawɛ dɛ mi.

Abɛ Womi 16:9

Nɔmlɔ adesa toɔ ga ngɛ e yi mi, se Mawu ji nɔ nɛ tsɔɔ lɛ nɔ́ nɛ sa kaa e pee.

Abɛ Womi 20:24

Blɔ nɛ nɔ maa nyɛɛ nɔ ɔ, Yawɛ lɛ tsɔɔ. Lɛɛ kɛ nɔ ko maa pee kɛ maa le lɛ nitsɛ e blɔ kɛɛ?

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Yesaya 26:7

Nihi nɛ peeɔ nɔ́ kpakpa a, a blɔ da tlɔmɔɔ; mo lɛ o ha a blɔ da ja a nɛ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.