Yeremia 10:22 - BAIBLO ALOO NGMAMI KLƆUKLƆU Ɔ

²² Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 10:22 ပူးပေါင်းရင်းမြစ်များ

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Malaki 1:3

nɛ Esau kɛ e nina lɛɛ i nyɛ mɛ. I kpata Esau yo nɔ zugba a hɛ mi, nɛ i ngɔ e weto ní ɔ kɛ ha nga mi gbehi.”

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yeremia 1:15

I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yesaya 34:13

Mɔhi tsuo nɛ a fia gbogbo ngɔ wo a he ɔ, pú kɛ mio tso maa puɛ ngɛ a mi, nɛ nga mi gbehi, kɛ dugumahi maa hi lejɛ ɔ.

Yeremia 1:14

Yawɛ de mi ke, “Niinɛ, amanehlu maa fia kɛ je omleyi je kɛ ba pue zugba nɛ ɔ nɔ bi tsuo a nɔ.

Yeremia 4:15

Tsɔli ngɔ sɛ gbi yaya kɛ je Dan ma a mi, kɛ Efraim yo ɔ nɔ kɛ ma.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 49:33

Hazor maa pee ma doku kɛ nga mi gbehi a hi he kɛ ya neneene. Nɔ ko nɔ ko be lejɛ ɔ hie hu. Imi, Yawɛ lɛ i de.”

Kɔmɔ Yemi 1:4

Zion blɔ ɔ nɔ pee mɔbɔmɔbɔ. Nimli a nane po ngɛ blɔ ɔ nɔ; a bɛ nɛ a ba ye nyami be ɔmɛ. Nɔ ko nɔ ko ba gui ma a agbo ɔmɛ a mi. Osɔfo ɔmɛ ngɛ kɛmɛe. Yihewi ɔmɛ ngɛ nɔ́ nae. Zion hao wawɛɛ nitsɛ.

Ezekiel 12:19

De ma a tsuo ke sɛ gbi nɛ Nyɔmtsɛ Yawɛ kɛ ha mɛ Yerusalem bi nɛ a ngɛ Yuda zugba nɔ kɛ mwɔɔ ji, a he maa do bibliibli kɛ ye abolo, nɛ a kɛ he hiami, kɛ tsui yemi maa nu nyu. A ma kpata a zugba a nɔ bi ɔmɛ tsuo a hɛ mi pɛsɛpɛsɛ; ejakaa ma amɛ a mi bi ɔmɛ tsuo a yi mi wa.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.