Yeremia 10:18 - BAIBLO ALOO NGMAMI KLƆUKLƆU Ɔ

¹⁸ Yawɛ ke, “Jehanɛ lɛɛ ma sake nimli ɔmɛ nɛ ngɛ zugba nɛ ɔ nɔ ɔ ngɔ fɔ he kaa bɔ nɛ a fɔɔ tɛ ɔ. Ma hao mɛ kɛ yaa si a maa nu he.”

Yeremia 10:18 ပူးပေါင်းရင်းမြစ်များ

Yesaya 22:17

O susuu kaa nɔ ko nɛ he hia tsɔ ji mo, se bu tue, Yawɛ maa hɛ mo kɛ fɔ he.

Yeremia 16:13

Enɛ ɔ he je ɔ, ma fie nyɛ kɛ je zugba nɛ ɔ nɔ kɛ ya zugba nɛ nyɛ, loo nyɛ nɛmɛ ɔmɛ po li nɔ. Nyɛ ma ya sɔmɔ mawu kpahi ngɛ lejɛ ɔ nyɔ kɛ pia, nɛ i be nyɛ mɔbɔ nae.’ ”

Yeremia 22:26

Ma ha nɛ a maa nuu o kɛ o nyɛ nɛ fɔ mo ɔ nyɔguɛ kɛ ya ma ko mi nɛ pi lejɛ ɔ nɛ a fɔ nyɛ ngɛ. Nɛ lejɛ ɔ nyɛ ni enyɔ ɔmɛ tsuo nyɛ ma ya gbo ngɛ.

Yeremia 23:20

Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Ezekiel 6:10

A maa le kaa imi ji Yawɛ ɔ nɛ; nɛ nɛ́ i de ke ma gbla a tue ɔ, pi nya mi nɛ i pee.”

Zefania 1:17

Yawɛ ke, “Jamɛ a ligbi ɔ, i kɛ haomi nɛ nya wa maa ba nimli adesahi a nɔ, nɛ a maa hi si tataae kɛ hi bee kaa hɛ yuyuili. A pee yayami kɛ si imi Yawɛ, lɔ ɔ he ɔ, a ma kpa a muɔ ngɔ pue si kaa nyu, nɛ a gbogboe ɔmɛ maa sa ngɛ zugba.”

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Mose V, 28:52

A ma ba tua nyɛ ngɛ ma amɛ tsuo nɛ ngɛ zugba a nɛ Yawɛ ngɛ nyɛ hae ɔ nɔ, hluu kɛ yaa si be nɛ gbogbo gojogojoo ɔmɛ nɛ nyɛ ngɔ nyɛ hɛ kɛ fɔ a nɔ ɔ tsuo maa hule pue si.

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.