Yeremia 10:13 - BAIBLO ALOO NGMAMI KLƆUKLƆU Ɔ

¹³ Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yeremia 10:13 ပူးပေါင်းရင်းမြစ်များ

Mose I, 2:5

tso ko tso ko be zugba a nɔ, nɛ nga ko hu puɛ́ ngɛ nɔ; ejakaa e ha we nɛ hiɔmi nɛ nɛ ngɔ pue zugba a nɔ lolo; nɛ nɔ ko hu be nɛ ngɛ zugba a nɔ hue.

Matsɛmɛ I, 18:41

Enɛ ɔ se ɔ, Eliya de Matsɛ Ahab ke, “Jehanɛ lɛɛ, yaa nɛ o ya ye ní nɛ o nu ní, ejakaa i nu nɛ hiɔmi ngɛ sie kɛ ma.”

Hiob 38:22

Hehi nɛ i toɔ snoo, kɛ gbiɛ ngo ngu ngɛ ɔ, o ya lejɛ ɔmɛ hyɛ lo?

La 104:13

O haa nɛ nyu nɛɛ kɛ jeɔ hiɔwe kɛ pueɔ yo ɔmɛ a nɔ; nɛ je ɔ mi hyi tɔ kɛ o gbaami sɔuu.

La 135:17

A ngɛ tue, se a nui nɔ́; mumi ko hu be a gugwɔ mi nɛ a woɔ.

La 135:7

Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

La 147:8

Lɛ nɛ e ngɔɔ bɔku kɛ haa hiɔwe, nɛ e haa hiɔmi nɛɛ kɛ pueɔ zugba a nɔ, nɛ nga mumu puɛɔ ngɛ yo ɔmɛ a nɔ.

La 18:13

Jehanɛ Yawɛ ha hiɔwe si; Hiɔwe No ɔ wo gbi; gbiɛ ngo ngu nɛ, nɛ oslabai gba.

La 68:33

nɔ nɛ ngɛ hiɔwe lokoo kɛ je blema teteete ɔ, nyɛ je e yi. Nyɛɛ bu e gbi nguaa nɛ ngɛ pɛe hoo ɔ tue.

Mose II, 9:23

Kɛkɛ nɛ Mose wo e tso ɔ nɔ ngɔ tsɔɔ hiɔwe, nɛ Yawɛ ha nɛ hiɔwe si, nɛ gbiɛ ngo ngu nɛ, nɛ oslabai gba kɛ ba na zugba a. Bɔ nɛ Yawɛ ha gbiɛ ngo ngu nɛ kɛ pue Egipt zugba a nɔ ji nɛ ɔ nɛ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 19:12

I ngɛ ye he kita kae kaa bɔ nɛ i pee Tofet ɔ, ja pɛ ma pee ma nɛ ɔ, kɛ ma mi bi ɔmɛ.

Yeremia 5:24

Nyɛ susuu we hyɛ kaa e sa kaa nyɛɛ wo imi Yawɛ, nyɛ Mawu ɔ, ye hɛ mi nyami: imi nɛ i haa nɛ gbo kɛ gbiɛ nyu nɛɛ ha nyɛ ngɛ be nɛ sa mi, nɛ i haa nɛ nyɛ kpaa ní daa jeha a!

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Zakaria 10:1

Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.