Yeremia 10:12 - BAIBLO ALOO NGMAMI KLƆUKLƆU Ɔ

¹² Yawɛ lɛ bɔ je ɔ ngɛ e he wami nya. Nile lɛ e kɛ bɔ je ɔ, nɛ jamɛ a nile ɔ nɔuu e kɛ bli hiɔwe mi.

Yeremia 10:12 ပူးပေါင်းရင်းမြစ်များ

Mose I, 1:1

Sisije ɔ, benɛ Mawu bɔ hiɔwe kɛ zugba a,

Mose I, 2:5

tso ko tso ko be zugba a nɔ, nɛ nga ko hu puɛ́ ngɛ nɔ; ejakaa e ha we nɛ hiɔmi nɛ nɛ ngɔ pue zugba a nɔ lolo; nɛ nɔ ko hu be nɛ ngɛ zugba a nɔ hue.

Kronika I, 16:26

Je ma kpa amɛ a mawu ɔmɛ ɔ, amagahi kɛkɛ ji mɛ. Se Yawɛ lɛɛ, lɛ nɛ e bɔ hiɔwe.

Hiob 26:7

Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.

Hiob 37:18

Hiɔwe ɔ nɛ he wa kpakpataa kaa ahuhuɛ nɛ a sile, nɛ a puɛ ngɔ ma si ɔ, anɛ o ma nyɛ maa gbla mi kaa bɔ nɛ lɛ Mawu ɔ, e pee ɔ lo?

Hiob 9:8

Benɛ Mawu maa gbla hiɔwe mi, nɛ e maa naa wo mi lohwe ngua a nɔ ɔ, nɔ ko piɛ we e he.

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

La 104:24

Yawɛ, hyɛ kaa o pee níhi babauu! Nile o kɛ pee lɛ tsuo pɛpɛɛpɛ. O nibɔ níhi hyi je ɔ mi tɔ.

La 119:90

O we anɔkuale yemi maa gblee yi nɔhi tsuo a mi. Mo lɛ o ngɔ zugba a kɛ ma si nɛ e maa si kpɛii nɛ ɔ nɛ.

La 24:2

Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.

La 33:6

Fami kɛkɛ lɛ Yawɛ fa nɛ e kɛ pee hiɔwe. Munyu kɛkɛ lɛ je e nya nɛ pu, kɛ nyɔhiɔ, kɛ dodoehi ba.

La 65:7

Ke wo gli, nɛ oslɔke ɔmɛ pee hamahama a, mo lɛ o jɔɔ a he lɛ a peeɔ dii kulaa. Nimli adesahi nɛ ngɛ basabasa hu mo nɔuu lɛ o jɔɔ a he.

La 78:69

Lejɛ ɔ lɛ e ma e we klɔuklɔu ɔ ngɛ. We nɛ ɔ ngɛ he wami, nɛ e maa hi si daa kaa bɔ nɛ hiɔwe kɛ zugba ngɛ ɔ pɛ.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Abɛ Womi 3:19

Nile Yawɛ kɛ bɔ je ɔ. Ga lɛ e kɛ ngɔ hiɔwe ngɔ to e blɔ he.

Abɛ Womi 30:4

Mɛnɔ lɛ ya hiɔwe nɛ e kpale kɛ ba zugba hyɛ? Mɛnɔ lɛ bua kɔɔhiɔ nya kɛ wo e dɛ mi hyɛ? Mɛnɔ lɛ yɛ wo mi nyu ɔ tsuo kɛ wo bo mi, nɛ e fi nya hyɛ? Aloo mɛnɔ lɛ ma buna ngɛ je ɔ mi nyagbe he ɔmɛ? Kɛ a tsɛɔ lɛ kɛɛ? E bi ɔ hu, mɛni ji e biɛ? Tse o le?

Yesaya 37:16

“Yawɛ Tabohiatsɛ Israel Mawu lee, mo nɛ o hii si ngɛ o matsɛ sɛ nɔ ngɛ kerub ɔmɛ a yi mi lokoo; mo nɔ kake too pɛ ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba!

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 45:12

Imi nɛ i bɔ je ɔ kɛ e mi nimli adesahi. I ngɔ ye he wami kɛ bli hiɔwe mi, nɛ i yeɔ pu, nyɔhiɔ, kɛ dodoe ɔmɛ tsuo a nɔ.

Yesaya 45:18

Yawɛ, nɔ nɛ bɔ hiɔwe kɛ zugba a, lɛ nɔ kake too ji Mawu! E bɔ je ɔ, nɛ e kɛ zugba a ma si saminya. E bɔɛ lɛ ngɔ fɔɛ si gu nɛ e pee yaka; se e pee lɛ konɛ nimli nɛ hi nɔ. Bɔ nɛ lɛ nitsɛ e ngɛ dee ji nɛ ɔ nɛ: “Imi ji Yawɛ; mawu kpa ko be hu.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 27:5

“Imi lɛ i kɛ ye he wami kpetekpleenyɛ, kɛ kɔni si wami bɔ je ɔ, nimli adesahi, kɛ lohwehi tsuo nɛ ngɛ je ɔ mi; nɛ i kɛ ní nɛ ɔmɛ haa nɔ tsuaa nɔ nɛ i suɔ.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,

Yohane 1:3

Munyu ɔ nɔ Mawu gu kɛ pee nɔ́ tsuaa nɔ́. Níhi tsuo nɛ a pee ɔ, a si we Munyu ɔ se kɛ pee ekoeko.

Kolosebi 1:16

Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.