Yeremia 10:10 - BAIBLO ALOO NGMAMI KLƆUKLƆU Ɔ

¹⁰ Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Yeremia 10:10 ပူးပေါင်းရင်းမြစ်များ

Mose I, 21:33

Enɛ ɔ se ɔ, Abraham du tso ngua ko ngɛ Beersheba, nɛ e ja Yawɛ Mawu nɛ ngɛ daa a ngɛ lejɛ ɔ.

Matsɛmɛ I, 18:39

Benɛ ma a tsuo na nɔ́ nɛ ɔ, a ngɔ a hɛ mi ngɔ bu si, nɛ a de ke, “Yawɛ ji Mawu! Yawɛ ji Mawu!”

Matsɛmɛ I, 8:60

bɔ nɛ pee nɛ je ma amɛ tsuo nɛ a le kaa Yawɛ pɛ ji Mawu; e se ɔ, mawu kpa ko be hu.

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Kronika II, 15:3

Be saii ji nɛ ɔ nɛ Israel ma a ngɛ kɛkɛ, nɛ a ja we anɔkuale Mawu ɔ; osɔfohi be nɛ maa tsɔɔ mɛ ní ɔ, mlaa ko hu be.

Hiob 9:6

E haa nɛ zugba mimiɛɔ, nɛ titimahi nɛ hɛɛ zugba a mimiɛɔ.

La 10:16

Yawɛ ji matsɛ kɛ je neneene kɛ yaa neneene. Je ma amɛ gbo ta e zugba a nɔ.

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

La 114:7

Zugba lee, mo mimiɛ ngɛ Nyɔmtsɛ ɔ hɛ mi; mimiɛ ngɛ Yakob Mawu ɔ hɛ mi koo;

La 145:13

O matsɛ yemi ɔ ngɛ daa, nɛ o nɔ yemi ɔ ngɛ kɛ yaa neneene. Yawɛ yeɔ e siwo nɔ pɛpɛɛpɛ, nɛ nɔ́ tsuaa nɔ́ nɛ e peeɔ ɔ hi saminya.

La 146:6

Mawu nɛ pee hiɔwe, zugba, wo, kɛ a mi níhi tsuo, nɛ e yeɔ e siwo nɔ daa.

La 18:7

Kɛkɛ nɛ zugba mimiɛ, nɛ yo ɔmɛ a sisi tomi ɔmɛ hɛ mɛ kɛ je a blɔ hehi, nɛ a mimiɛ, ejakaa Yawɛ mi mi fu.

La 29:10

Yawɛ ngɛ matsɛ yee ngɛ nyu babauu ɔ nɔ kɛ yaa neneene.

La 31:5

Yawɛ, Mawu anɔkualetsɛ; i ngɔ ye he kɛ ha mo. Mo lɛ o ma he ye yi wami.

La 42:2

Mawu hɛngmengmletsɛ, o he kuma ngɛ mi yee. Mɛni be po ma ba su o ngɔ nɛ ma ja mo?

La 68:11

Nyɔmtsɛ ɔ wo gbi, nɛ nihi babauu ngɔ sɛ gbi ɔ kɛ ho ke,

La 68:8

mo Yawɛ Israel Mawu ɔ, o ha zugba mimiɛ, nɛ hiɔmi nɛ ngɛ mo Mawu ɔ o hɛ mi. Sinai yo ɔ tete mimiɛ ngɛ mo Mawu, Israel Mawu ɔ, o hɛ mi.

La 74:12

Se Mawu, kɛ je blema lokoo ɔ, mo ji wa matsɛ; o he wa yi wami be babauu.

La 76:7

Niinɛ, o he ngɛ gbeye! Ke o mi mi fu ɔ, mɛnɔ ma nyɛ o hɛ mi maa da?

La 76:8

O kojo, nɛ a nu he kɛ je hiɔwe tɔɔ; je ɔ ye gbeye, nɛ e pee dii.

La 77:18

Hiɔwe si kplala-la-la kɛ po si kaa lasiogblee nɛ bee. Oslabai la a ha nɛ je ɔ mi pee heii, nɛ zugba a mimiɛ.

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

La 9:8

Nɛ e kɛ anɔkuale, kɛ dami sane yemi maa kojo je ɔ, kɛ e mi nimli ɔmɛ.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

La 90:2

Benɛ o na we nɛ o bɔ yo ɔmɛ; benɛ o na we nɛ o bɔ je ɔ, mo ji Mawu nɛ ngɛ kɛ je neneene kɛ yaa si neneene.

La 93:2

Yawɛ, o matsɛ sɛ ɔ ngɛ kɛ je blema lokoo; mo nitsɛ hu o ngɛ kɛ je neneene.

La 97:4

E we oslabai ɔ haa nɛ je mi tsɔɔ. Je ɔ naa, nɛ e hosoɔ.

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

Yesaya 37:4

Asiria matsɛ tsɔ e we asafoatsɛngua a kɛ ba jɛ Mawu hɛ kalɔ ɔ. Wa heɔ yeɔ kaa Yawɛ, o Mawu ɔ nu kikɛmɛ a jɛmi ɔ, nɛ ni nɛmɛ nɛ bɔ musu nɛ ɔ, e maa gbla a tue. Lɔ ɔ he ɔ, moo fa kue ha Yawɛ kɛ ha wa ti ni nɛmɛ nɛ piɛ ngɛ hiɛ ɔ.”

Yesaya 40:15

Je ma amɛ pi nɔ́ ko kulaa ngɛ Yawɛ hɛ mi. A ngɛ kaa nyu kɔyi kake kɛkɛ nɛ dɛ kɛ je goga mi. Zugba kpɔ ɔmɛ nɛ wo bɔle mɛ ɔ hu ngɛ wojowojo ngɛ Yawɛ dɛ mi kaa bunyuku nɛ pue sɛni nɔ.

Yesaya 40:28

Anɛ o li lo? Anɛ o nui lolo lo? Yawɛ ji Mawu nɛ ngɛ daa kɛ daa; lɛ ji nɔ nɛ bɔ je ɔ tsuo. Pɔ tɔɛ lɛ, nɛ e gbɔjɔɔ we. Bɔ nɛ e juɛmi mi kuɔ ha a, nɔ ko nɔ ko be nyɛe maa nu sisi.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 65:16

Kɛkɛ ɔ, nɔ tsuaa nɔ nɛ ma hla kaa a gbaa lɛ ɔ ma bi Mawu anɔkualetsɛ ɔ; nɛ nɔ nɛ ma ka kita ngɛ zugba a nɔ ɔ hu maa ngɔ Mawu anɔkualetsɛ ɔ biɛ kɛ ka; ejakaa blema haomi ɔmɛ maa be kɛ ho, nɛ a be kaie hu.”

Yeremia 23:36

Se ‘Yawɛ tlomi’ ɔ lɛɛ, nyɛ ko wo nɔ ta; nɔ tsuaa nɔ munyu maa pee nɔ ɔ nitsɛ tlomi. Mawu hɛ kalɔ ɔ, Yawɛ Tabohiatsɛ, wa Mawu ɔ munyu ɔmɛ lɛɛ nyɛ tsake a hɛ mi.

Yeremia 4:2

nɛ nyɛ ma ka kita ngɛ ye biɛ mi anɔkuale mi, nɛ nyɛ maa ye dami sane, nɛ nyɛ maa pee nɔ́ nɛ da a, lɛɛ je ma amɛ tsuo ma ba je ye yi, nɛ a ma de mi ke ma gbaa mɛ.”

Yeremia 4:24

I hyɛ yo ɔmɛ a nɔ, nɛ yo ɔmɛ ngɛ mimiɛe; yoku ɔmɛ ngɛ mimiɛe kɛ ngɛ yae kɛ ngɛ bae.

Yeremia 50:46

Ke Babilon hɛ mi kpata a, ose nɛ a ma he ɔ nya maa wa wawɛɛ nitsɛ, bɔ nɛ zugba po ma mimiɛ. Je ma kpa amɛ tsuo maa nu ose nɛ ɔ he.”

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Daniel 4:3

“Mawu okadi, ɔmɛ kle! E nyakpɛ ní ɔmɛ a he ngɛ gbeye! Mawu matsɛ yemi ɔ ngɛ kɛ yaa neneene! Mawu maa ye matsɛ daa.

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Yoel 2:11

Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Malaki 3:2

Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Mose V, 5:26

Anɛ nɔmlɔ adesa ko kɛ Mawu tu munyu kɛ je la mi nɛ e hi je mi hɛ ngmengmle hyɛ kaa bɔ nɛ wa na nɛ ɔ lo?

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Hebribi 10:31

Nɔ nɛ Mawu hɛ kalɔ ɔ nine maa gbe lɛ ɔ, musu tloo lɛ!

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Manyadali 5:4

Yawɛ, benɛ o je Seir, nɛ o hia kɛ je Edom kɛ ma a, zugba mimiɛ, nɛ hiɔmi nɛ. Niinɛ, nyu je bɔku ɔmɛ a mi pue si.

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”