Yeremia 1:9 - BAIBLO ALOO NGMAMI KLƆUKLƆU Ɔ

⁹ Kɛkɛ nɛ Yawɛ juale e nine, nɛ e ta ye nya he, nɛ e de mi ke, “Hyɛ, ye munyu nɛ i ngɔ ha mo ji nɛ ɔ nɛ.

Yeremia 1:9 ပူးပေါင်းရင်းမြစ်များ

Yesaya 49:2

E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

Yeremia 34:6

Kɛkɛ nɛ i ngɔ sɛ gbi nɛ ɔ ya ha Yuda matsɛ, Zedekia ngɛ Yerusalem.

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Ezekiel 3:10

Mawu de hu ke, “Nɔmlɔ adesa, ta tue saminya, konɛ o kai nɔ́ tsuaa nɔ́ nɛ ma de mo ɔ.

Daniel 10:10

Tlukaa a, nɔ ko ba fua mi, nɛ e wo ye nɔ kɛ kpla si ngɛ ye nakutso nya, nɛ i kɛ ye ninehi pi zugba. Jamɛ a be ɔ mi tsuo ye he ngɛ doe blibliibli.

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Mose IV, 23:5

Yawɛ tsɔɔ Balaam nɔ́ nɛ e de Balak, ne e ha nɛ e kpale e se, konɛ e ngɔ sɛ gbi nɛ ɔ ya ha Balak.

Mateo 10:19

Ke a ngɔ nyɛ kɛ ho ɔ, nyɛ ko hao nyɛ he ngɛ nɔ́ nɛ nyɛ ma de, kɛ bɔ nɛ nyɛ ma plɛ kɛ de lɛ ha a he. Ke be ɔ su ɔ, a maa tsɔɔ nyɛ nɔ́ nɛ nyɛ ma de.

Marko 7:33

Yesu kɛ lɛ je ni ɔmɛ a kpɛti kɛ ya se, nɛ e kɛ e nine nguɛhi wo e tue puɔ ɔmɛ a mi, nɛ e su lada kɛ sa nyumu ɔ lilɛ he.

Luka 12:12

Ejakaa nɔ́ nɛ sa kaa nyɛ de ɔ, Mumi Klɔuklɔu ɔ maa tsɔɔ nyɛ jamɛ a ngmlɛfia a mi nɔuu.”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Mose V, 18:16

“Ligbi ɔ nɛ nyɛ tsuo pɛpɛɛpɛ nyɛ bua nyɛ he nya ngɛ Sinai yo ɔ he ɔ, nyɛ kpa pɛɛ ke ma ko ha nɛ nyɛɛ nu Yawɛ munyu nɛ e ngɛ tue ɔ hu, loo nɛ nyɛɛ na bɔ nɛ e je e he kpo ngɛ la hleei ɔ mi ɔ; ejakaa nyɛ ye gbeye kaa nyɛ ma gbo.

Mose V, 18:17

Lejɛ ɔ nɛ Yawɛ de mi ke, ‘Nɔ́ nɛ a bi ɔ da saminya.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.