Yeremia 1:15 - BAIBLO ALOO NGMAMI KLƆUKLƆU Ɔ

¹⁵ I ngɛ je ma amɛ tsuo nɛ ngɛ omleyi je ɔ kpee kɛ ma Yerusalem. Matsɛ tsuaa matsɛ kɛ e sɛ ma ba ma Yerusalem agbo ɔmɛ a nya, kɛ gbogbo ɔmɛ a he kɛ kpe. A maa pee ja nɔuu ngɛ Yuda ma kpa amɛ hu a mi.

Yeremia 1:15 ပူးပေါင်းရင်းမြစ်များ

Yesaya 22:7

Yuda kɔ̃ zugbahi nɛ baa ní saminya a, a mi hyi tɔ kɛ ta zugba lɛhi; ta buli nɛ hi okpɔngɔhi a nɔ daa si ngɛ Yerusalem agbo ɔmɛ a nya.

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 10:25

Je ma amɛ nɛ li mo ɔ, o mi mi nɛ fu mɛ; ni nɛmɛ nɛ ja we mo ɔ, gbla a tue. A gbe o ma mi bi nɛ ji Yakob nina a; a kpata wa hɛ mi pɛsɛpɛsɛ, nɛ a pee wa zugba a kaa nga kplanaa nɔ.

Yeremia 13:20

Yerusalem, hyɛ! O he nyɛli ɔmɛ je omleyi je kɛ ma. O nimli kpakpa amɛ nɛ a ha mo ke o hyɛ a nɔ ɔ, jije a ngɛ?

Yeremia 25:28

Se ke a kplɛɛ we kaa a ma he kplu ɔ ngɛ o dɛ nɛ a nu nɔ́ nɛ ngɛ mi ɔ, de mɛ ke imi Yawɛ Tabohiatsɛ ɔ, i ngɛ mɛ dee ke bɔ tsuaa bɔ nɛ ji ɔ, ja a nu kɛ̃.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 33:10

Yawɛ ke, “Nihi deɔ ke hiɛmɛ nɛ ɔ ngɛ kaa nga kplanaa nɔ, he nɛ nimli loo lohwehi be. Niinɛ, ke a de ja a, a nɔ́ da. Yuda ma amɛ pee ma dokuhi, nɛ Yerusalem gbɛjegbɛ ɔmɛ hu a nɔ fɔɔ si gu; nɔmlɔ adesa ko, loo lohwe ko be lejɛ ɔmɛ. Se ngɛ lejɛ ɔmɛ nɔuu ɔ, nyɛ maa nu

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 34:22

Ma fa mɛ, nɛ a maa kpale kɛ ba ma nɛ ɔ mi ekohu. A ma ba tua ma a; a maa ngɔ ma a, nɛ a maa sã ma a. Ma ha nɛ Yuda ma amɛ maa pee ma dokuhi, nɛ nɔ ko nɔ ko be ma amɛ a mi hie hu. Imi, Yawɛ lɛ i de.”

Yeremia 39:3

Benɛ a ngɔ Yerusalem ɔ, Babilonia matsɛ ɔ ma nimeli ɔmɛ tsuo ba hi si ngɛ a blɔ hehi ngɛ kpɛti agbo ɔ mi. A ti ni komɛ ji Nergal Sarezer, Samgar Nebo, Sarsekim, kɛ Nergal Sarezer kpa ko.

Yeremia 4:16

A ma nɛ a ba ha nɛ je ma amɛ nɛ a le, nɛ Yerusalem hu nɛ e nu kaa he nyɛli komɛ je ma se tsitsaa kɛ ma nɛ a ba sá ma a yi. He nyɛli nɛ ɔmɛ ma he ose kɛ wo Yuda ma amɛ a he.

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yeremia 43:10

De mɛ ke imi Yawɛ Tabohiatsɛ, Israel Mawu ɔ, i yaa ngɔ Babilonia matsɛ Nebukadnezar, ye tsɔlɔ ɔ kɛ ba hiɛ ɔ. E maa ngɔ e matsɛ sɛ ɔ ba ma tɛ nɛ nyɛ pu ɔ nɔ, nɛ e kɛ e we akatabai ɔ maa ma lejɛ ɔ.

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

Yeremia 46:24

A bɔ Egipt bi ɔmɛ ahlua; nihi nɛ je omleyi je ɔ ye a nɔ kunimi. Imi, Yawɛ lɛ i de.”

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Yeremia 9:11

Yawɛ ke, “Ma pee Yerusalem ma doku, kɛ nga mi gbehi a hi he. Yuda ma amɛ maa pee ma dokuhi, nɛ nɔ ko nɔ ko be a mi hie.”

Kɔmɔ Yemi 5:11

A nuu wa yi ɔmɛ ngɛ Zion; nɛ a nuu wa bimɛ yihewi ɔmɛ hu ngɛ Yuda ma amɛ a mi, nɛ a pee mɛ basabasa.

Ezekiel 32:30

“Omleyi je ganɔ ɔmɛ tsuo ngɛ lejɛ ɔ. Sidon bi ɔmɛ hu ngɛ lejɛ ɔ. Be ko ɔ, a he wami ɔ haa sawale nuɔ je ɔ tsuo; se jehanɛ lɛɛ a kɛ ni nɛmɛ nɛ nɔ ngɛ ta mi ɔ, zo gbe mɛ tsuo kpɔtɔɔ. Mɛ tsuo mɔmlɔtɔtsɛmɛ ji mɛ, nɛ a ya su gbeje muɔ voo ɔ sisi tɔɔ.

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.