Yeremia 1:14 - BAIBLO ALOO NGMAMI KLƆUKLƆU Ɔ

¹⁴ Yawɛ de mi ke, “Niinɛ, amanehlu maa fia kɛ je omleyi je kɛ ba pue zugba nɛ ɔ nɔ bi tsuo a nɔ.

Yeremia 1:14 ပူးပေါင်းရင်းမြစ်များ

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.

Yesaya 41:25

“I ha nɛ nɔ ko je beleku je kɛ ma nɛ e kɛ nyɛ ba kpe. E maa ba ngɛ ye biɛ mi. E ma ba tua nyɛ kɛ je omleyi je. E maa naa nɔ yeli a nɔ kaa a naa zu, loo kaa buɛ puɛlɔ pɔtɔɔ zu.

Yeremia 10:22

Nyɛɛ bu tue! Sɛ gbi ko ma! Ose ko ngɛ pɛe kɛ je omleyi je zugba a nɔ kɛ ma. Ta nguaa ko ma nɛ e ba kpata Yuda ma amɛ a hɛ mi, nɛ ma amɛ maa pee kaa nga mi gbehi a hi he.”

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Yeremia 46:20

Egipt ngɛ kaa na yo saminyayoo nɛ pwɔlwɛ je omleyi je ba kɔ lɛ.

Yeremia 47:2

Yawɛ ke, “Hyɛ! Nyu babauu je omleyi je kɛ ma kaa pa nɛ hia lalaala. Nyu nɛ ɔ ma ba ha zugba a nɔ tsuo; e maa ha mahi, nimli, kɛ nɔ́ tsuaa nɔ́ nɔ. Ngmlaa maa je nyumuhi po a nya, nɛ nɔ tsuaa nɔ maa wo yana ngɛ zugba a nɔ.

Yeremia 50:41

“Ma ko je omleyi je kɛ ma. Je ma agbo ko, kɛ matsɛmɛ babauu hia kɛ je tsitsaa lokoo kɛ ma.

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yeremia 6:1

Nyɛ Benyamin bi, nyɛɛ tu fo nɛ nyɛ he nyɛ yi wami! Nyɛɛ tu fo kɛ je Yerusalem esɔ! Nyɛ kpa titimati ngɛ Tekoa, nɛ nyɛ slɛ la ngɛ Bet Hekerem kɛ tsɔɔ okadi! Ejakaa haomi agbo je omleyi je kɛ ma nɛ ma ba kpata ma hɛ mi.

Yeremia 6:22

Yawɛ ke, “Ma ko mi bi je omleyi je kɛ ma; je ma ko nɛ a he wa saminya je tsitsaa kɛ ma nɛ a ba tua nyɛ.

Ezekiel 1:4

Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Ezekiel 24:3

Buu abɛ nɛ ɔ kɛ tsɔɔ ma tue gboli nɛ ɔmɛ; nɛ o de mɛ ke abɛ nɛ ɔ, imi Nyɔmtsɛ Yawɛ nitsɛ lɛ i ngɛ mɛ bue. Ngɔɔ buɛ ɔ kɛ ma la a nɔ; yɛɛ nyu kɛ wo buɛ ɔ mi.

Yoel 2:20

Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Zakaria 6:6

Ta zugba lɛ ɔ nɛ okpɔngɔ yumu ɔmɛ ngɛ gblae ɔ yaa omleyi je, nɛ ta zugba lɛ nɛ okpɔngɔ hiɔ ɔmɛ ngɛ gblae ɔ yaa bonyoku je, nɛ nɔ́ nɛ okpɔngɔ huatahuata amɛ ngɛ gblae ɔ yaa zugba nɛ ngɛ leneyi je ɔ nɔ.