Yeremia 1:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ Yawɛ bi mi ekohu ke, “Mɛni hu o pa na?” I he nɔ ke, “I na buɛ ko kɛ e mi nyu nɛ ngɛ fiae kɔtɔkɔtɔ ngɛ omleyi je, nɛ buɛ ɔ nya plɛ kɛ tsɔɔ hiɛmɛ nɛ ɔ je.”

Yeremia 1:13 ပူးပေါင်းရင်းမြစ်များ

Mose I, 41:32

Bɔ nɛ a tĩ o nlami ɔ mi si enyɔ ɔ tsɔɔ kaa Mawu to e yi mi kaa e maa pee nɔ́ nɛ ɔ niinɛ; nɛ e be kɛe kulaa.

Yesaya 55:11

Munyuhi nɛ i tuɔ ɔ, ja a maa pee. Munyu tsuaa munyu nɛ jeɔ ye nya a, nɔ́ nɛ i ke e pee ɔ, ja e pee loko e maa kpale kɛ ba. Nɔ́ tsuaa nɔ́ nɛ i to ke e ba mi ɔ maa ba mi kokooko.

Yeremia 24:3

Kɛkɛ nɛ Yawɛ bi mi ke, “Yeremia, mɛni o na?” I he nɔ ke, “I na ngmɔkɔhi. Ngmɔkɔ kpakpa amɛ hi saminya. Ngmɔkɔ yaya amɛ lɛɛ a hí kulaa; e sɛ nɛ a yeɔ.”

Ezekiel 11:3

A deɔ ke, ‘E sui be nɛ wa maa ma tsuhi lolo. Ma nɛ ɔ ngɛ kaa dade kutu agbo ko; nɛ wɔ nimli ɔmɛ wa ngɛ kaa lo ngɛ kutu ɔ mi!’

Ezekiel 11:7

“Lɔ ɔ he ɔ, bɔ nɛ imi Nyɔmtsɛ Yawɛ, i ngɛ nyɛ dee ji nɛ ɔ nɛ. Niinɛ, dade kutu agbo ji ma nɛ ɔ; se lo ɔ nɛɛ? Nihi nɛ nyɛ gbe ngɔ pue ma a mi gbɛjegbɛ ɔmɛ a nɔ ɔ, mɛ ji lo ɔ nɛ! Nyɛ be hiɛmɛ nɛ ɔ hie hu; ma ha a ma je nyɛ kɛ je ma a mi!

Ezekiel 12:28

Lɔ ɔ he ɔ, de mɛ ke bɔ nɛ Nyɔmtsɛ Yawɛ ngɛ dee ji, ‘A be ye munyu ɔmɛ ekoeko tsɛ̃e kɛ to hu, se mohu nɔ́ tsuaa nɔ́ nɛ i de ɔ maa ba mi. Imi, Nyɔmtsɛ Yawɛ lɛ i de!’ ”

Amos 8:2

Yawɛ tsɛ ye biɛ, nɛ e bi ke, “Amos, mɛni o na?” I he nɔ ke, “Kusii kɛ e mi tso yiblii nɛ fu.” Kɛkɛ nɛ Yawɛ de mi ke, “Tso yiblii ɔ daa si ha ye ma Israel. Bɔ nɛ tso yiblii ɔ fu ɔ tsɔɔ kaa be ɔ su jehanɛ, nɛ ma gbla a tue; i be ye yi mi tomi ɔ tsakee hu.

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.