Yeremia 1:1 - BAIBLO ALOO NGMAMI KLƆUKLƆU Ɔ

¹ Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 1:1 ပူးပေါင်းရင်းမြစ်များ

Matsɛmɛ I, 2:26

Enɛ ɔ se ɔ, Matsɛ Salomo de osɔfo Abiatar ke, “Moo ho mo nitsɛ o ma mi ya ngɛ Anatot. Jinɛ e sa kaa a gbe mo, se i be hae nɛ a gbe mo piɔ; ejakaa benɛ o kɛ tsaatsɛ David ngɛ ɔ, mo lɛ o hyɛɛ Yawɛ Mawu somi daka a nɔ. Jehanɛ se hu, amanehlu slɔɔtohi tsuo nɛ tsaatsɛ na a, o kɛ lɛ nɛ na.”

Kronika I, 6:60

A ha Kohat weku ɔ ma nɛ ɔmɛ, kɛ kɔpehi nɛ bɔle ma amɛ kɛ je Benyamin wɛtso ɔ zugba mi: Geba, Alemet, kɛ Anatot. Lɔ ɔ he ɔ, mahi tsuo nɛ a ha Kohat weku ɔ nɛ a hi mi ji nyɔngma kɛ etɛ.

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.

Kronika II, 36:12

E pee yayami kɛ si Yawɛ, e Mawu ɔ, nɛ e bɛ e he si ngɔ ha gbalɔ Yeremia, nɔ nɛ ngɔɔ Yawɛ sɛ gbi ba haa lɛ ɔ.

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Yesaya 1:1

Sɛ gbihi nɛ kɔɔ Yuda kɛ Yerusalem a he nɛ a ngma ngɛ womi nɛ ɔ mi. Mawu je nina nɛ ɔmɛ kpo kɛ tsɔɔ Yesaya, Amoz bi ɔ, ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ.

Yesaya 10:30

Galim bi, nyɛ kpa ngmlaa! Laisha bi, nyɛɛ bu tue! Nyɛ he nɔ koo, nyɛ Anatot bi!

Yesaya 2:1

Sɛ gbi nɛ Mawu ngɔ ha Yesaya, Amoz bi ɔ, nɛ kɔɔ Yuda kɛ Yerusalem a he ji nɛ ɔ nɛ:

Yeremia 11:21

Anatot nyumu ɔmɛ hla kaa a maa gbe mi, nɛ a de mi ke, ke i ya nɔ nɛ i fiɛ ngɛ Yawɛ biɛ mi kɛ mwɔɔ ɔ, a maa gbe mi.

Yeremia 29:27

Yeremia, Anatot no ɔ nɛ ngɛ lakpa gbami gbae ha ma a, mɛni he je o ka we e hɛ mi mɔ?

Yeremia 30:1

Yawɛ, Israel Mawu ɔ

Yeremia 37:12

jamɛ a be ɔ, imi hu i je Yerusalem kɛ yaa Benyamin zugba a nɔ, konɛ weku weto ní ɔ nɛ ngɛ lejɛ ɔ, ma ya ngɔ ye blɔ fa mi nɔ́.

Ezekiel 1:3

Yawɛ tu munyu, nɛ i nu. Yawɛ he wami ba ye nɔ ngɛ Kebar pa a nya ngɛ Babilonia.

Daniel 9:2

Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Amos 7:10

Osɔfo ko nɛ a tsɛɛ lɛ Amazia hi Mawu we ɔ ngɛ Betel. Ligbi ko ɔ, e tsɔ ya de Israel matsɛ, Yeroboam ke, “Amos ngɛ yi mi yaya toe kɛ wo o he ngɛ mo nitsɛ o nɔ yemi he ɔ. Munyuhi nɛ e ngɛ tue ɔ ma ha nɛ ma mi bi ɔmɛ maa te si kɛ wo mo, a matsɛ ɔ. Ke e ba mi ja a, kɛkɛ pe ma a ywia a nɛ.

Mateo 16:14

A he nɔ ke, “Ni komɛ ke Yohane nɔ sɔlelɔ ɔ; ni komɛ ke Eliya, nɛ ni kpa komɛ deɔ ke Yeremia, aloo gbali ɔmɛ a ti nɔ kake.”

Mateo 2:17

Nɛ nɔ́ nɛ gbalɔ Yeremia de ɔ ba mi ke,

Mateo 27:9

Enɛ ɔ ha nɔ́ nɛ gbalɔ Yeremia de to ɔ ba mi ke, “A ngɔ sika hiɔ yi nyingmi etɛ ɔ, nɛ Israel fɔfɔɛ komɛ to nɛ a kɛ ma he lɛ ɔ