Yakobo 5:9 - BAIBLO ALOO NGMAMI KLƆUKLƆU Ɔ

⁹ Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

Somi He Ɔ

⁹ Mamimɛ, nyɛ ko pia nyɛ sibi konɛ Mawu ko kojo nyɛ. Oʼɛ, kojolɔ ɔ daa si ngɛ sinya a nya.

Yakobo 5:9 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

La 59:15

A kpaa si kɛ hlaa niye ní; nɛ ke a na we ní nɛ a ye nɛ a tɔ ɔ, a kpaa ngmlaa kaa gbehi.

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Mose III, 19:18

Koo ye mo nitsɛ o he lue, nɛ koo nyɛ o ma a mi bi ɔmɛ a ti nɔ ko nɔ ko; se mohu, moo suɔ o nyɛmi nɔmlɔ kaa bɔ nɛ o suɔ mo nitsɛ o he ɔ. Imi ji Yawɛ.

Mateo 24:33

Jã nɔuu, ke nyɛ hu nyɛ na ní nɛ ɔmɛ tsuo ɔ, nyɛɛ le kaa Nɔmlɔ Bi ɔ su si ta; e ngɛ agbo ɔ nya haa kɛ ma.

Marko 13:29

Ja nɔuu hu ke nyɛ na nɛ kikɛmɛ a ní nɛ ɔmɛ ba mi ɔ, nyɛ na nɛ nyɛɛ le kaa be ɔ su haa.

Marko 6:19

Enɛ ɔ he ɔ, Herodia dɔ Yohane ninyɛ, nɛ e hlaa kaa e maa gbe lɛ, se e na we he blɔ, ejakaa Herode kplɛɛ we.

1 Korintobi 10:11

Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

Galatabi 5:14

Ejakaa mlaa a tsuo nɔ yemi ɔ kpiti pomi ji, “Suɔ o nyɛmi kaa bɔ nɛ o suɔ mo nitsɛ o he.”

Galatabi 5:26

Wa ko wó wa he nɔ; wa ko wo wa sibi a mi mi la, nɛ wa hɛ ko kɔ wa sibi a nɔ hulɔ.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

Yakobo 4:12

Mawu pɛ ji mlaa wolɔ kɛ kojolɔ. Lɛ nɔ kake nɔuu pɛ lɛ e ngɛ he wami nɛ e kɛ heɔ nɔ yi wami, nɛ e kɛ kpataa nɔ hɛ mi hulɔ. Se moo lɛɛ mɛnɔ ji mo, nɛ o kojoɔ o nyɛmi adesa?

Yakobo 5:10

Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

1 Petro 4:5

Se a maa bu akɔtaa ha Mawu, nɔ nɛ dla e he ngɔ to nɛ e maa kojo hɛ kali, kɛ ni gbogboehi tsuo ɔ.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.