Yakobo 5:3 - BAIBLO ALOO NGMAMI KLƆUKLƆU Ɔ

³ Sika tsu, kɛ sika hiɔ babauu nɛ nyɛ bua nya a maa nɔ kana. Jamɛ a kana a maa ye odase kɛ si nyɛ, nɛ e ma kpe nyɛ he lo kaa nɔ́ nɛ a kɛ la sã. Nyɛ ngɛ juetli babanu buae kɛ ngɛ toe nyagbe be nɛ ɔ mi.

Somi He Ɔ

³ Nyɛ sika tsu kɛ nyɛ sika hiɔ ɔmɛ nɔ kana, nɛ a he kana amɛ maa ye nyɛ he odase, nɛ e maa sã nyɛ he womi mi kaa la. Nyɛ bua juetli nya ngɔ to ngɛ nyagbe ligbi ɔmɛ a mi.

Yakobo 5:3 ပူးပေါင်းရင်းမြစ်များ

Mose I, 31:48

Laban de Yakob ke, “Kikɛmɛ a tɛ kuu nɛ ɔ maa pee odase nɔ́ ha wɔ ni enyɔ ɔmɛ tsuo.” Enɛ ɔ he je nɛ a wo lejɛ ɔ biɛ ke Galeed ɔ nɛ.

Mose I, 31:52

Tɛ kuu nɛ ɔ, kɛ kaimi tɛ nɛ ɔ ji odasehi. I be tɛ kuu nɛ ɔ he bee gblegbleegble kɛ ba tua mo. Ja nɔuu, mo hu o ko be tɛ kuu nɛ ɔ, loo kaimi tɛ nɛ ɔ he kɔkɔɔkɔ kɛ ba tua mi.

Mose I, 49:1

Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Hiob 16:8

O ha nɛ ye he womi tsuo hlũɛ, nɛ i ta he lo, nɛ enɛ ɔmɛ yeɔ odase kɛ siɔ mi.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Yeremia 19:9

Ma ha nɛ he nyɛli ma ba sa ma a yi, nɛ a maa hao ma mi bi ɔmɛ wawɛɛ nitsɛ, hluu kɛ yaa si ni nɛmɛ nɛ ngɛ ma a mi ɔ ma bɔni mɛ nitsɛmɛ a he, kɛ a bimɛ nyumuhi kɛ yihi yemi.”

Mika 3:3

Nyɛ yeɔ ye ma mi bi ɔmɛ. Nyɛ kpɔɔ a he womi kɛ jeɔ a he. Nyɛ kuɔ a wuhi, nɛ nyɛ poɔ mɛ kpɔ nya kpɔ nya kaa lo nɛ a kɛ maa wo kutu mi.

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,

Ni Tsumi 2:17

‘Mawu ke, Nyagbe be ɔ, ma ngɔ ye Mumi ɔ kɛ wo nɔ tsuaa nɔ mi. Nyɛ binyumu ɔmɛ, kɛ nyɛ biyi ɔmɛ maa fiɛ ye sɛ gbi ɔ; nihewi maa na nina, nɛ nikɔtɔmahi maa nla.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

2 Timoteo 2:17

Bɔ nɛ pa yaya gbo we gblee, se e hiaa kɛ haa si mohu ɔ, ja lɛ jamɛ a ní sɛɛmi yaya amɛ a mi sanehi gbɛɛ fĩaa. Ni enyɔ komɛ nɛ tsɔɔ lakpa ní nɛ ɔmɛ ji Himeneo kɛ Fileto.

Yoshua 24:27

E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”

2 Petro 3:3

Kekleekle ɔ, nyɛ na nɛ nyɛɛ le kaa nyagbe ligbi ɔmɛ a mi ɔ, nɔ he fɛu yeli komɛ maa ba, nɛ nɔ́ nɛ a we akɔnɔ de mɛ ke a pee ɔ, lɔ ɔ a maa pee.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”