Yakobo 5:2 - BAIBLO ALOO NGMAMI KLƆUKLƆU Ɔ

² Ní babauu nɛ nyɛ na a plɛ pee kɔɔhiɔ, nɛ wɔyewɔye ye nyɛ heha ní kpakpahi.

Somi He Ɔ

² Nyɛ ni babauu ɔ sa, nɛ nyɛ tade ɔmɛ hu wɔyewɔyehi ye.

Yakobo 5:2 ပူးပေါင်းရင်းမြစ်များ

Hiob 13:28

I pee kaa tso nɛ sa, nɛ hule nɔ si, aloo bo nɛ wɔyewɔye ye.

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Yesaya 50:9

Nyɔmtsɛ Yawɛ nitsɛ ngɛ ye kasa nya, mɛnɔ maa bu mi fɔ mɔ? Ye he nyɛli ɔmɛ tsuo maa laa, a hɛ mi ma kpata pɛsɛpɛsɛ kaa bo nɛ wɔyewɔye ye.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

1 Petro 1:4

Lɔ ɔ he ɔ, wa hɛ ngɛ nɔ kaa Mawu ngɔ gbosi ní nɛ puɛ we, nɛ mu be he, nɛ kpa we hulɔ ɔ ngɔ to ha nyɛ ngɛ hiɔwe.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

La 39:11

Ke o ka adesa hɛ mi, nɛ o gbla e tue ngɛ e he yayamihi a he pɛ o kpata e nɔ́ tsuaa nɔ́ hɛ mi pɛsɛpɛsɛ kaa bo nɛ wɔyewɔye ye. Niinɛ, nɔmlɔ adesa ngɛ kaa kɔɔhiɔ kɛkɛ.

Hosea 5:12

Ma kpata Israel hɛ mi kaa bɔ nɛ wɔyewɔye yeɔ kuutu, nɛ Yuda ma a hu maa pee kaa nɔ́ sasɛ ko nɛ gbli kɛ fɔɔ si.

Yakobo 2:2

Waa ngɔ lɛ kaa nyɛ ya kpe ngɛ jami he ɔ, nɛ ni enyɔ ba. Nɔ kake ha ablade bo, nɛ e wo sika tsu nguɛ ní. Nɔ kake ɔ lɛɛ ohiatsɛ ji lɛ, nɛ e ha bo gbagbɛ, loo bo sɛmusɛmu.