Yakobo 5:17 - BAIBLO ALOO NGMAMI KLƆUKLƆU Ɔ

¹⁷ Eliya a, nɔmlɔ adesa ji lɛ kaa wɔ nɔuu. E sɔle kɛ hɛdɔ ke hiɔmi kó nɛ; nɛ hiɔmi nɛ́ ngɛ zugba a nɔ jeha etɛ kɛ nyɔhiɔ ekpa sɔuu.

Somi He Ɔ

¹⁷ Elia ji nɔmlɔ adesa kaa wɔ nɔuu, nɛ e sɔle sɔlemi ko konɛ hiɔmi ko nɛ, nɛ e nɛ́ ngɛ zugba a nɔ jeha etɛ kɛ hlami ekpa sɔuu.

Yakobo 5:17 ပူးပေါင်းရင်းမြစ်များ

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 18:1

Pee se ngɛ jeha etɛne ɔ mi ɔ, Yawɛ de Eliya ke, “Yaa nɛ o kɛ o he ya tsɔɔ Matsɛ Ahab, nɛ ma ha hiɔmi maa nɛ.”

Luka 4:25

“Nyɛɛ bu tue! Niinɛ, gbalɔ Eliya be ɔ mi ɔ, yalɔyihi babauu ngɛ Israel. Hiɔmi nɛ́ jeha etɛ kɛ fa sɔuu, nɛ hwɔ nɛ nya wa ba zugba a tsuo nɔ.

Ni Tsumi 10:26

Se Petro wo e nɔ, nɛ e ke, “Tee si! Imi nitsɛ hu adesa kɛkɛ ji mi.”

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

Kpojemi 11:6

Mawu ha mɛ he wami nɛ a ma nyɛ nga hiɔwe nya nɛ hiɔmi be nɛe be mi nɛ a ngɛ gbae ɔ. A ngɛ he wami ngɛ nyu nɔ kaa a ma ha nɛ nyu nɛ plɛ pee muɔ; a ngɛ he wami hulɔ kaa a kɛ gbenɔ hiɔ slɔɔtohi baa zugba a nɔ si abɔ nɛ a suɔ.