Yakobo 5:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Somi He Ɔ

¹⁶ Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

Yakobo 5:16 ပူးပေါင်းရင်းမြစ်များ

Mose I, 19:29

Lɔ ɔ he ɔ, benɛ Mawu kpata ma amɛ nɛ ngɛ kɔ̃ ɔ mi ɔ a hɛ mi ɔ, e kai Abraham, nɛ e ha nɛ Lot tu fo kɛ je ma amɛ a mi he nɛ e ngɛ ɔ, nɛ e kɛ he e yi wami.

Mose I, 20:17

Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.

Mose I, 20:7

Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Samuel II, 19:19

nɛ e de lɛ ke, “Nɛnɛ, yayami nɛ i pee mo ligbi ɔ nɛ o je Yerusalem ɔ, i kpa mo pɛɛ nɛ o kɛ pa mi. Mo ko ngɔ kɛ to ha mi, nɛ mo ko kai hu gblegbleegble.

Matsɛmɛ I, 13:6

Matsɛ Yeroboam de gbalɔ ɔ ke, “I kpa mo pɛɛ, moo fa kue ha Yawɛ, o Mawu ɔ, nɛ e tsa ye nine ɔ ha mi.” Gbalɔ ɔ fa kue ha Yawɛ, nɛ Yawɛ tsa matsɛ ɔ nine ɔ; nɛ nine ɔ pee kaa bɔ nɛ e ngɛ sa a.

Kronika II, 30:20

Yawɛ bu Hezekia kue fami ɔ tue; e ngɔ ni ɔmɛ a he yayami ɔmɛ kɛ pa mɛ, nɛ e gbla we a tue.

Hiob 42:8

Enɛ ɔ he je ɔ, nyɛɛ ngɔ na ku kpaago, kɛ agbosu kpaago kɛ ya ye tsɔlɔ Hiob ngɔ, nɛ nyɛ ya sã sami bɔ ha nyɛ he ngɛ lejɛ ɔ. Hiob maa fa kue ha nyɛ. Ma bu e kue fami ɔ tue, nɛ i be nyɛ tue gblae bɔ nɛ sa nyɛ kaa nyɛ je kuasia. Ee, nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.”

La 34:15

Yawɛ hɛngmɛ ngɛ dali a he, nɛ e buɔ a kue fami tue.

Mose II, 17:11

Nɛ e ba mi kaa ke Mose wo e nine nɔ pɛ Israel bi ɔmɛ a nine gu Amalek bi ɔmɛ a nɔ. Ke e nine ba si pɛ kɛkɛ Amalek bi ɔmɛ a nine bɔni Israel bi ɔmɛ a he ngɔmi.

Mose II, 9:33

Jehanɛ ɔ, Mose si Farao ɔ, nɛ e je ma a mi, nɛ e wo e nine nɔ, nɛ e fa kue ha Yawɛ. Kɛkɛ nɛ hiɔwe simi ɔ, kɛ gbiɛ ngo ngu nɛmi ɔ se po, nɛ hiɔmi ɔ hu kpa.

Abɛ Womi 15:29

Yawɛ kɛ yayami peeli a kpɛti kɛ; se e buɔ dali a kue fami tue.

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 33:3

“Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.

Mose IV, 11:2

Ma a kpa ngmlaa kɛ tsɛ Mose, nɛ Mose hu kpa Yawɛ pɛɛ; kɛkɛ nɛ la a gbo.

Mateo 21:22

Ke nyɛ ngɛ hemi kɛ yemi ɔ, nɔ́ tsuaa nɔ́ nɛ nyɛ maa fa kue ngɛ he ɔ, nyɛ nine maa su nɔ.”

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Marko 1:5

Nihi babauu je Yudea kpokpa a nɔ, kɛ Yerusalem ma a mi kɛ ba nga a nɔ ba bu Yohane tue. A jaje a he yayami ɔmɛ, nɛ a sɔle mɛ ngɛ Yordan pa a mi.

Luka 9:6

Kaseli ɔmɛ pue nɔ kɛ ho, nɛ a ya fiɛ manye munyu ɔ kɛ kpa kɔpe ɔmɛ tsuo, nɛ a tsa hiɔtsɛmɛ ngɛ he tsuaa he.

Yohane 9:31

Wa le kaa Mawu bui yayami peeli tue, se nɔ nɛ yeɔ lɛ gbeye, nɛ e peeɔ Mawu suɔmi nya ní ɔ, Mawu buɔ lɛ tue.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 19:18

Nihi nɛ he ye ɔ, a ti nihi babauu hu ba, nɛ ní yayamihi nɛ a pee ɔ, a ba jaje paa ngɛ ma a hɛ mi.

Ni Tsumi 8:24

Kɛkɛ nɛ Simon de Petro kɛ Yohane ke, “I kpa nyɛ pɛɛ, nyɛ kpa Nyɔmtsɛ ɔ pɛɛ ha mi, konɛ níhi nɛ nyɛ de nɛ ɔmɛ ekoeko ko ba ye nɔ.”

Romabi 3:10

Kaa bɔ nɛ ngmami ɔ deɔ ɔ, “Nɔ ko nɔ ko be nɛ da; nɔ kake ngmelu po be.

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

Kolosebi 1:9

Enɛ ɔ he ɔ, kɛ je ligbi ɔ nɛ wa nu nyɛ he ɔ kɛ ba si amlɔ nɛ ɔ, wa jɔɔ we Mawu pɛɛ kpami ha nyɛ. Wa biɔ ke Mawu nɛ ha nɛ nyɛɛ le e suɔmi nya ní, nɛ nyɛ ná nile, kɛ nɔ́ sisi numi nɛ mumi ɔ haa nɔ ɔ.

1 Tesalonikabi 5:17

nyɛɛ sɔle be tsuaa be;

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

1 Tesalonikabi 5:25

Ye nyɛmimɛ nɛ i suɔ, nyɛɛ sɔle ha wɔ.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

Hebribi 13:18

Nyɛɛ sɔle ha wɔ daa. Wa le kaa wa he nile bui wɔ fɔ; ejakaa be tsuaa be ɔ, wa suɔ kaa nɔ́ tsuaa nɔ́ nɛ wa maa pee ɔ, bu nɛ hi he.

Yoshua 10:12

Jamɛ a ligbi ɔ nɛ́ Yawɛ ha Israel ye Amor bi ɔmɛ a nɔ kunimi ɔ, Yoshua kɛ Yawɛ tu munyu ngɛ Israel bi ɔmɛ a hɛ mi, nɛ e de ke, “Pu, da si ngɛ Gibeon, nɛ mo nyɔhiɔ hu, da si ngɛ Aiyalon kɔ̃ ɔ mi.”

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Yohane 3:22

Nɔ́ tsuaa nɔ́ nɛ wa bi lɛ ɔ, e haa wɔ, ejakaa wa yeɔ e mlaa amɛ a nɔ, nɛ wa peeɔ níhi nɛ sa e hɛ mi.

Samuel I, 1:12

Benɛ e ngɛ sɔlee kɛ mwɔɔ ngɛ Yawɛ hɛ mi ɔ, Eli to e nya he hɛ.

Samuel I, 12:17

Anɛ pi ngma kpami be ji nɛ ɔ? Se ma tsɛ Yawɛ nɛ e ma ha hiɔwe ma si, nɛ hiɔmi maa nɛ konɛ nyɛ na nyɛɛ le kaa nyɛ pee Yawɛ yayami agbo kaa nyɛ bi ke a ha nyɛ matsɛ.”

Samuel I, 12:18

Kɛkɛ nɛ Samuel fa kue ha Yawɛ, nɛ Yawɛ ha hiɔwe si, nɛ hiɔmi nɛ jamɛ a ligbi ɔ. Nɛ ma a tsuo ye Yawɛ kɛ Samuel gbeye wawɛɛ nitsɛ;