Yakobo 5:15 - BAIBLO ALOO NGMAMI KLƆUKLƆU Ɔ

¹⁵ Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

Somi He Ɔ

¹⁵ nɛ hemi kɛ yemi sɔlemi nɛ ɔ ma he hiɔtsɛ ɔ yi wami, nɛ Nyɔmtsɛ ɔ ma tle lɛ si, nɛ ke e pee yayami ɔ, a kɛ maa pa lɛ.

Yakobo 5:15 ပူးပေါင်းရင်းမြစ်များ

Yesaya 33:24

Nihi nɛ ngɛ zugba a nɔ ɔ, a ti nɔ ko nɔ ko be dee hu ke, “I be he wami.” A maa ngɔ ma a tsuo a he yayami kɛ pa mɛ.

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Yohane 5:14

Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

Yohane 6:39

Nɔ nɛ tsɔ mi ɔ, nɔ́ nɛ e suɔ ji kaa nihi tsuo nɛ e tu ngɔ wo ye dɛ mi ɔ, ngmelu kake kó je mi; se mohu nyagbe ligbi ɔ, ma tle mɛ tsuo si.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

2 Korintobi 4:14

Ejakaa wa le kaa Mawu tle Nyɔmtsɛ Yesu si kɛ ba wami mi ekohu. Wa le kaa e ma tle wɔ hu si kaa bɔ nɛ e tle Yesu si ɔ. Nɛ e maa ngɔ waa kɛ nyɛ tsuo kɛ ya Yesu ngɔ.

Yakobo 1:6

Se ke o ngɛ Mawu nɔ́ ko he pɛɛ kpae ɔ, he ye, nɛ o ko je nɔ́ kulaa kaa Mawu ma ha mo nɔ́ nɛ o ngɛ bie ɔ. Nɔ nɛ jeɔ nɔ́ ɔ, e ngɛ kaa wo mi oslɔke nɛ kɔɔhiɔ ngɛ lɛ fiae kɛ ngɛ yae kɛ ngɛ bae.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Yakobo 5:20

nyɛ na nɛ nyɛɛ le kaa nɔ tsuaa nɔ nɛ ma tsake yayami peelɔ ko ɔ, e ma he yayami peelɔ ɔ yi wami, nɛ a maa ngɔ e he yayami babauu ɔ kɛ pa lɛ.