Yakobo 5:14 - BAIBLO ALOO NGMAMI KLƆUKLƆU Ɔ

¹⁴ Ke nyɛ ti nɔ ko be he wami ɔ, e ha nɛ a tsɛ asafo ɔ mi nikɔtɔma amɛ kɛ ba; a sɔle ha lɛ, nɛ a pɔ lɛ nu ngɛ Nyɔmtsɛ ɔ biɛ mi.

Somi He Ɔ

¹⁴ Ke nyɛ ti nɔ ko be he wami ɔ, e tsɛ asafo ɔ mi nikɔtɔma amɛ kɛ ba e ngɔ nɛ a pɔ lɛ nu ngɛ Nyɔmtsɛ ɔ biɛ mi nɛ a sɔle ha lɛ,

Yakobo 5:14 ပူးပေါင်းရင်းမြစ်များ

Matsɛmɛ I, 17:21

Enɛ ɔ se ɔ, Eliya kpã e mi, nɛ e bu si ngɛ jokuɛ nyumuyo ɔ nɔ si etɛ, nɛ e fa kue ha Yawɛ ke, “Yawɛ, ye Mawu lee! Ha nɛ jokuɛ nyumuyo nɛ ɔ nɛ kpale kɛ ba wami mi ekohu!”

Matsɛmɛ II, 4:33

E nga sinya a kɛ wo mɛ ni enyɔ ɔmɛ a yi, nɛ e fa kue ha Yawɛ.

Matsɛmɛ II, 5:11

Se Naeman mi mi fu, nɛ e je lejɛ ɔ. Benɛ e yaa a, e de ke, “Hyɛ, i susu kaa e ma ba da si ngɛ ye kasa nya nɛ e ma tsɛ Yawɛ e Mawu ɔ biɛ; nɛ e maa fɔ̃ e nine ngɛ hiɔ nɔ kɛ ya kɛ ba, nɛ e ma tsa mi.

Marko 16:18

ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Marko 6:13

A hia mumi yayamihi babauu, nɛ a pɔ hiɔtsɛmɛ babauu nu, nɛ a tsa mɛ.

Ni Tsumi 11:30

A pee ja niinɛ, nɛ a ngɔ sika a kɛ mane asafo nikɔtɔma amɛ kɛ gu Barnaba kɛ Saulo a nine nɔ.

Ni Tsumi 14:23

A ha hwɔ, nɛ a sɔle kɛ hla nikɔtɔmahi, nɛ a tu mɛ ngɔ wo Nyɔmtsɛ ɔ nɛ a he ye ɔ dɛ mi.

Ni Tsumi 15:4

Benɛ a su Yerusalem ɔ, asafo ɔ, kɛ bɔfo ɔmɛ, kɛ nikɔtɔma amɛ tsuo he mɛ kɛ hɛmuɔ, nɛ mɛ hu a bɔ mɛ níhi tsuo nɛ Mawu ngɔ mɛ kɛ tsu ɔ.

Ni Tsumi 28:8

Publio tsɛ hwɔɔ si kpotoo kɛ asla yaya kɛ mi mi pa. Paulo ya sɛ tsu mi he nɛ e ngɛ ɔ, nɛ e sɔle. E ngɔ e nine ngɔ pue hiɔtsɛ ɔ nɔ, nɛ e tsa lɛ.

Ni Tsumi 9:40

Se Petro je mɛ kpo. Kɛkɛ nɛ e kpla si nɛ e sɔle; nɛ e plɛ e hɛ mi ngɔ kpee gbogboe ɔ, nɛ e de ke, “Tabita, tee si!” Tabita bli e hɛngmɛ; nɛ benɛ e na Petro ɔ, e wo e he nɔ, nɛ e hi si.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.