Yakobo 5:10 - BAIBLO ALOO NGMAMI KLƆUKLƆU Ɔ

¹⁰ Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

Somi He Ɔ

¹⁰ Mamimɛ, nyɛɛ ngɔ gbali nɛ tu munyu ngɛ Nyɔmtsɛ ɔ biɛ mi ɔ ngɔ pee amanehlu kɛ tsui si tomi nɔ hyɛmi nɔ.

Yakobo 5:10 ပူးပေါင်းရင်းမြစ်များ

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Yesaya 39:8

Se Matsɛ Hezekia susu kaa nɔ́ nɛ ɔ kɛ he jɔmi, kɛ tue mi jɔmi maa ba ngɛ lɛɛ e yi nɔ. Lɔ ɔ he ɔ, e de Yesaya ke, “Yawɛ sɛ gbi nɛ o ngɔ ba ha mi ɔ hi.”

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yeremia 23:22

A le nɔ́ nɛ ngɛ ye yi mi jinɛ a ko fiɛ ha ye ma a. Ke a pee ja a, ye ma a maa je a blɔ yayami ɔmɛ a nɔ, nɛ a ní yayami ɔmɛ hu a ma kpa peemi.

Yeremia 26:16

Kɛkɛ nɛ ma nimeli ɔmɛ, kɛ ma a tsuo de osɔfo ɔmɛ, kɛ gbali ɔmɛ ke, “Nyumu nɛ ɔ kɛ wɔ tu munyu ngɛ Yawɛ, wa Mawu ɔ biɛ mi; e sɛ kaa a gbeɔ lɛ.”

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Luka 6:23

Ke e ba mi ja a, nyɛ nya, nɛ nyɛ hlu kɛ bua jɔmi, ejakaa Mawu ngɔ hiɔwo agbo ngɔ to ha nyɛ ngɛ hiɔwe. Nyɛ kai kaa ja nɔuu a nɛmɛ ɔmɛ pee gbali ɔmɛ.

Ni Tsumi 3:21

E sa kaa e ya hi hiɔwe kɛ yaa su be nɛ a maa pee níhi tsuo ehe. Mawu tu nɔ́ nɛ ɔ he munyu kɛ gu e gbali klɔuklɔu ɔmɛ a nɔ blema lokoo.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Hebribi 13:7

Nyɛ hɛ mi nyɛɛli ɔmɛ nɛ ngɔ Mawu sɛ gbi ɔ ba ha nyɛ ɔ, nyɛ kai mɛ. Nyɛɛ hyɛ bɔ nɛ a hi si saminya hluu kɛ ya si a gbenɔ be; nyɛɛ hyɛ bɔ nɛ a he Mawu ye ha, nɛ nyɛɛ kase mɛ.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.