Yakobo 5:1 - BAIBLO ALOO NGMAMI KLƆUKLƆU Ɔ

¹ Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

Somi He Ɔ

¹ Jehanɛ, nyɛ niatsɛmɛ, nyɛɛ bu tue, nyɛ fo ya nɛ nyɛ wɔ lele ngɛ dengmehi nɛ maa ba nyɛ nɔ ɔmɛ a he!

Yakobo 5:1 ပူးပေါင်းရင်းမြစ်များ

La 17:14

Jé mi kɛ je nihi nɛ ná je nɛ ɔ mi níhi tsuo nɛ a ngɛ hlae ɔ a dɛ mi. Ngɔɔ haomihi nɛ o ngɔ to ha mɛ ɔ kɛ gbla a tue. Ha nɛ a bimɛ ba na haomi ɔ bɔ nɛ sa, nɛ eko nɛ piɛ ha a bibimɛ.

Abɛ Womi 11:28

Nihi nɛ ngɔɔ a hɛ kɛ fɔɔ ní nami nɔ ɔ, a hɛ mi ma kpata. Ni nɛmɛ nɛ peeɔ nɔ́ nɛ da a, mɛɛ lɛɛ a maa bɔ kaa ba mumu.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yesaya 15:3

A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Ezekiel 19:2

La a deɔ ke, Mɛnɔ ji o nyɛ? O nyɛ ngɛ kaa jata yo ko nɛ buɔ si ngɛ jata kuhi a kpɛti! Lohwe katsɛmɛ nɛ ɔmɛ a kpɛti nɛ e lɛɔ e bimɛ ngɛ.

Ezekiel 30:2

“Nɔmlɔ adesa, gbaa nɛ o ha nɛ a le nɔ́ nɛ imi Nyɔmtsɛ Yawɛ, i ngɛ dee ɔ. Wo yana nɛ o de ke, Ligbi yaya! Ligbi yaya ko ma!

Yoel 1:11

Nyɛ ngmɔ huli, nyɛɛ ye kɔmɔ; nyɛ nihi nɛ nyɛ hyɛɛ wai ngmɔhi a nɔ, nyɛ nya awe; ejakaa ngma, akoko, kɛ ngmɔ nɔ ní tsuo hɛ mi kpata.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:5

Nyɛ dã deli, nyɛ hɛ nɛ tsɛ, nɛ nyɛɛ wo yana; nyɛ wai dɔkɔdɔkɔ nuli, nyɛ nya awe; ejakaa a je nɔ́ ngɛ nyɛ nya mi.

Mika 6:12

Niatsɛmɛ nɛ ngɛ nyɛ kpɛti ɔ sisiɔ ohiatsɛmɛ ɔmɛ, nɛ nyɛ tsuo pɛpɛɛpɛ ɔ, lakpatsɛmɛ ji nyɛ.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

Yakobo 2:6

Se nyɛ pueɔ ohiatsɛmɛ ɔmɛ a hɛ mi si. Anɛ pi niatsɛmɛ ɔmɛ nɛ waa nyɛ yi mi ɔ? Anɛ pi mɛ nɛ a ngɔɔ nyɛ kɛ yaa kojomi he ɔ?

Yakobo 4:13

Jehanɛ, nyɛ ti ni komɛ deɔ ke, “Hwɔɔ, loo hwɔɔ se ɔ, ma hia blɔ kɛ ya ma ko mi, nɛ ma ya ye jeha ngɛ lejɛ ɔ. Ma ya ye jua nɛ ma na ní.”

Yakobo 4:9

Nyɛɛ ye kɔmɔ; nyɛɛ wo yana, nɛ nyɛ nya awe. Nyɛ kpa muɔmi, nɛ nyɛɛ wo yana. Nyɛ kpa nyami, nɛ nyɛɛ nu sawale!