Yakobo 4:9 - BAIBLO ALOO NGMAMI KLƆUKLƆU Ɔ

⁹ Nyɛɛ ye kɔmɔ; nyɛɛ wo yana, nɛ nyɛ nya awe. Nyɛ kpa muɔmi, nɛ nyɛɛ wo yana. Nyɛ kpa nyami, nɛ nyɛɛ nu sawale!

Somi He Ɔ

⁹ Nyɛɛ ye kɔmɔ, nyɛɛ wo ya nɛ nyɛ fo; nyɛ muɔ ɔ nɛ plɛ kɔmɔ yemi, nɛ nyɛ bua jɔmi ɔ hu nɛ plɛ hɛ mi si puemi.

Yakobo 4:9 ပူးပေါင်းရင်းမြစ်များ

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Abɛ Womi 14:13

Muɔmi haa kɔmɔ yemi nɔ; ke bua jɔmi se po ɔ, aywilɛho lɛɛ e tɛ gblegbleegble.

Luka 6:25

“Nyɛ nihi nɛ nyɛ tɔ mwɔnɛ ɔ, musu tloo nyɛ, ejakaa hwɔ ma ba ye nyɛ! “Nyɛ nihi nɛ nyɛ ngɛ muɔe amlɔ nɛ ɔ, musu tloo nyɛ; ejakaa nyɛ ma ba ye kɔmɔ, nɛ nyɛ maa wo yana!

La 119:67

Loko o gbla ye tue ɔ, i pɔɔ blɔ tlami, se jehanɛ lɛɛ i yeɔ o munyu ɔ nɔ.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Ezekiel 7:16

Ni komɛ maa tu fo kɛ ya yo ɔmɛ a nɔ ya hi lejɛ ɔ kaa lahuɛhi nɛ a fie mɛ kɛ je a hi he. Mɛ tsuo a maa ye kɔmɔ; nɔ tsuaa nɔ ma fo ya ngɛ lɛ nitsɛ e he yayamihi a he.

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Hiob 30:31

Ye gbi nɛ jijeɔ kaa saku, aloo bɛ ɔ, mwɔnɛ ɔ, e pɛɛ kaa nihi nɛ a wo yana kɛ ngɛ kɔmɔ yee.

Luka 6:21

“A gbaa nyɛ nihi nɛ hwɔ ngɛ nyɛ yee amlɔ nɛ ɔ; Mawu ma ha nyɛ maa tɔ! “A gbaa nyɛ nihi nɛ nyɛ ngɛ ya foe amlɔ nɛ ɔ, ejakaa nyɛ ma ba muɔ!

Kɔmɔ Yemi 5:15

Bua jɔmi ko be ha wɔ ngɛ je mi hu; wa kpa domi nɛ wa ngɛ kɔmɔ yee.

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Fiɛlɔ 2:2

I kpa si kaa muɔmi ɔ, godo, nɛ bua jɔmi hu se nami be he.

La 119:71

E hi ha mi kaa o gbla ye tue, konɛ ma kase o mlaa amɛ.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Mateo 21:41

A he nɔ ke, “E ma kpata jamɛ a nimli yayami ɔmɛ a hɛ mi butuu, nɛ e maa ngɔ wai ngmɔ ɔ ngɔ ha apaa yeli kpahi, nihi nɛ maa ngɔ wai yiblii ba ha lɛ ngɛ be nɛ sa mi.”