Yakobo 4:6 - BAIBLO ALOO NGMAMI KLƆUKLƆU Ɔ

⁶ Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”

Somi He Ɔ

⁶ Se Mawu dloɔ nɔ babauu. Ejakaa ngmami ɔ deɔ ke: “Mawu ɔ, e kuɔ he woli a nya, se he si bali e dloɔ.”

Yakobo 4:6 ပူးပေါင်းရင်းမြစ်များ

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Kronika II, 33:12

Benɛ e ngɛ haomi mi ɔ, e ba e he si, nɛ e fa kue ha Yawɛ, e nɛmɛ a Mawu ɔ.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:23

Se Amon bɛ e he si, nɛ e kpale we kɛ bɛ Yawɛ ngɔ kaa bɔ nɛ e tsɛ pee ɔ; lɛɛ e pee yayamihi babauu pe e tsɛ ɔ po.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Hiob 22:29

Nɔ nɛ woɔ e he nɔ ɔ, Mawu baa lɛ si, se nɔ nɛ baa e he si ɔ, Mawu heɔ e yi wami.

La 138:6

Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Mose II, 18:11

Kpaako loko i ná le paa kaa Yawɛ kle pe mawu ɔmɛ kulaa; ejakaa e he ma a yi wami kɛ je Egipt bi ɔmɛ a dɛ mi, benɛ a ngɛ mɛ nisɛ ní pee ɔ.”

Abɛ Womi 15:33

Yawɛ gbeye yemi ji tsɔsemi nɛ haa nɔ leɔ ní nitsɛnitsɛ. Nɔ nɛ baa e he si ɔ, a maa wo e hɛ mi nyami.

Abɛ Womi 18:12

Nɔ nɛ baa e he si ɔ, a maa wo e hɛ mi nyami; ni nɛmɛ nɛ woɔ a he nɔ ɔ, mɛɛ lɛɛ hɛ mi kpatami blɔ nɔ a ngɛ.

Abɛ Womi 22:4

Nɔ nɛ baa e he si, nɛ e yeɔ Yawɛ gbeye ɔ, e naa ní, e hɛ mi baa nyami, nɛ e wami se kɛɔ.

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Abɛ Womi 3:34

Yawɛ kɛ he nɔ woli bɔɛ; se nihi nɛ baa a he si lɛɛ e naa mɛ mɔbɔ.

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Mateo 13:12

Nɔ tsuaa nɔ nɛ ngɛ nɔ́ ko ɔ, a ma ha lɛ fuu kɛ piɛ he nɛ e na kɛ be nɔ. Se nɔ nɛ be nɔ́ ko ɔ, bɔɔ nɛ e ngɛ ɔ tete po, a ma kpɔ ngɛ e dɛ.

Mateo 23:12

Nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.

Luka 1:52

E kpa matsɛmɛ nguanguahi kɛ je a sɛhi a nɔ, nɛ e wó humihi a nɔ.

Luka 14:11

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Yakobo 4:10

Nyɛɛ ba nyɛ he si ngɛ Nyɔmtsɛ ɔ hɛ mi, nɛ e ma wo nyɛ nɔ.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.