Yakobo 4:5 - BAIBLO ALOO NGMAMI KLƆUKLƆU Ɔ

⁵ Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Somi He Ɔ

⁵ Aloo nyɛ susu kaa yaka nɛ ngmami ɔ deɔ ke: “Hunga jemi se mumi nɛ hii wa mi ɔ dii” ɔ?

Yakobo 4:5 ပူးပေါင်းရင်းမြစ်များ

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Mose IV, 11:29

Se Mose he nɔ ke, “Imi lɛ o ngɛ hunga jee ha nɛ ɔ? I na jinɛ Yawɛ ngɔ e mumi ɔ ngɔ ha e ma a tsuo, nɛ mɛ tsuo a kpa ngmlaa kaa gbali!”

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

La 37:1

Koo ye o tsui ngɛ yayami peeli a he; o hɛ ko kɔ nihi nɛ peeɔ yayami a nɔ.

Mose I, 8:21

Yawɛ nu bɔ ɔ he via, nɛ e ná he bua jɔmi. Kɛkɛ nɛ e de e he ke, “I be níhi nɛ wami ngɛ a mi ɔ tsuo a hɛ mi kpatae kikɛ nɛ ɔ hu kɔkɔɔkɔ.

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

Mose I, 30:1

Benɛ Rahel na kaa e fɔ we ha Yakob ɔ, e hɛ kɔ̃ e nyɛmiyo ɔ nɔ, nɛ e de Yakob ke, “Ha mi bimɛ, ke pi ja a, ma gbo.”

Mose I, 26:14

E ngɛ to, kɛ na, kɛ tsɔli babauu; nɛ nɔ́ nɛ ɔ ha nɛ Filisti bi ɔmɛ a hɛ kɔ̃ e nɔ.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Ni Tsumi 7:9

“Yakob bimɛ ɔmɛ a hɛ ya kɔ̃ a nyɛmi Yosef nɔ, nɛ a jua lɛ kɛ ho Egipt ya. Se Mawu kɛ lɛ ngɛ,

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Abɛ Womi 21:10

Yiwutsotsɛ lɛɛ yayami peemi pɛ e suɔ; e nyɛmi ní pee we lɛ mɔbɔ.

La 106:16

Ngɛ nga a nɔ ɔ, ni ɔmɛ a hɛ kɔ̃ Mose nɔ, kɛ jehanɛ Aaron, Yawɛ tsɔlɔ klɔuklɔu ɔ.

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Yesaya 11:13

Israel, Efraim nina a kɛ Yuda be nɔ́ he plee hu; nɛ Yuda be Israel nya dooe hu.

Yohane 19:37

Nɛ jehanɛ ɔ, ngmami kpa hu deɔ ke, “A maa hyɛ nɔ nɛ a gbɔ lɛ nɔ́ ɔ.”

Yohane 7:42

Ejakaa a ngma ke Mesia a maa pee Matsɛ David nina; nɛ jehanɛ hu, Betlehem, he nɛ Matsɛ David hi ɔ, lejɛ ɔ a ma fɔ lɛ ngɛ.”

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose I, 38:9

Se Onan le kaa bimɛ ɔmɛ ba be e nɔ pee. Enɛ ɔ he je ɔ, be tsuaa be nɛ e kɛ e nyɛmi ɔ yo ɔ ma na bɔmi ɔ, e haa nɛ nyu nɛ jeɔ e he ɔ pueɔ zugba, bɔ nɛ pee nɛ e ko fɔ bimɛ ha e nyɛmi ɔ.