Yakobo 4:4 - BAIBLO ALOO NGMAMI KLƆUKLƆU Ɔ

⁴ Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Somi He Ɔ

⁴ Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

Yakobo 4:4 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

La 21:8

Matsɛ, o nine maa su o he nyɛli ɔmɛ tsuo a nɔ. Nihi tsuo nɛ sume mo ɔ, o nine maa su a nɔ.

La 50:18

Ke o na julɔ ɔ, o kɛ lɛ tsɔɔ huɛ, nɛ gba puɛli o kɛ bɔɔ.

La 73:27

Nihi nɛ kua mo ɔ, a hɛ mi ma kpata. Ni nɛmɛ nɛ yi mo anɔkuale ɔ, o ma kpata mɛ tsuo a hɛ mi.

Yesaya 57:3

Se, nyɛ yayami peeli nɛ nyɛɛ kɛ ní peeli, kɛ gba puɛli, kɛ yi yaholi tsuo sɔ ɔ, nyɛɛ ba hiɛ ɔ!

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Ezekiel 16:32

O ngɛ kaa yo gba puɛlɔ nɛ sume lɛ nitsɛ e huno, se nibwɔhi mohu e kɛ e he haa!

Hosea 3:1

Yawɛ de mi ekohu ke, “Yaa nɛ o ya hla yo gba puɛlɔ, nɛ o suɔ lɛ, kaa bɔ nɛ imi hu i suɔ ye ma Israel ɔ. Ye ma Israel kua mi; a ya ngɛ mawu kpahi a se nyɛɛe, nɛ a kɛ wai yiblii gbigbli sãã bɔ kɛ haa mɛ lɛɛ, se kɛ̃, i suɔ mɛ.”

Mateo 12:39

Yesu he nɔ nɛ e de ke, “Nyɛ yi nɔ yaya bi nɛ nyɛ li Mawu! Nyɛ ke nyɛ ngɛ ye nine nya okadi hlae, pi ja? Dɛbi! Okadi pɛ nɛ a ma ha nyɛ ji gbalɔ Yona nɔ́ ɔ.

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Yohane 17:14

I ngɔ o munyu ɔ ha mɛ; nɛ lɔ ɔ he ɔ, je ɔ ngɛ mɛ nyɛe. Ejakaa a kɛ je ɔ bɔɛ, kaa bɔ nɛ imi hu i kɛ mɛ bɔɛ ɔ.

Yohane 7:7

Je ɔ be nyɛ nyɛe, se a nyɛɔ mi, ejakaa a yeɔ odase kɛ siɔ mɛ ngɛ ní yayamihi nɛ a peeɔ ɔ he.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

1 Korintobi 1:21

Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.