Yakobo 4:2 - BAIBLO ALOO NGMAMI KLƆUKLƆU Ɔ

² Ke nɔ́ ko pee nyɛ akɔnɔ nɛ nyɛ nine sui nɔ ɔ, nyɛ pueɔ muɔ si. Jã kɛ̃ ke nyɛ hɛ kɔ̃ nyɛ nyɛmimɛ a níhi a nɔ, nɛ nyɛ nine sui nɔ ɔ, nyɛ woɔ pɛ, nɛ nyɛ gbaa ta kɛ woɔ nyɛ sibi. Níhi nɛ hia nyɛ ɔ, nyɛ nine sui nɔ; ejakaa nyɛ bi we Mawu.

Somi He Ɔ

² Nihi peɔ nyɛ akɔnɔ, se nyɛ na we; lɔ ɔ he ɔ nyɛ gbee nɔ; nyɛ jee hunga, se nyɛ nine nyɛ we nɔ nɛ e su; lɔ ɔ he ɔ nyɛ nɔɔ kunɔ nɛ nyɛ pɛɛ; nyɛ na we nɔ́ nɛ nyɛ ngɛ hlae ɔ, ejakaa nyɛ kpa we he pɛɛ.

Yakobo 4:2 ပူးပေါင်းရင်းမြစ်များ

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Abɛ Womi 1:19

Nihi tsuo nɛ guu awi yemi mi kɛ naa ní ɔ, bɔ nɛ a nyagbe ya baa ji nɛ ɔ nɛ; awi yemi mi nɔuu a gboɔ ngɛ.

Habakuk 2:5

Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.

Yesaya 7:12

Se Ahaz he nɔ ke, “I be okadi ko bie. I be Yawɛ kae.”

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.

1 Yohane 3:15

Nɔ tsuaa nɔ nɛ nyɛɔ e nyɛmi ɔ, nɔmlɔ gbelɔ ji lɛ; nɛ nyɛ le kaa nɔmlɔ gbelɔ ko nɔmlɔ gbelɔ ko be neneene wami nae.

Matsɛmɛ I, 21:6

Ahab he nɔ ke, “Munyu nɛ Yezreel no, Nabot kɛ mi tu ɔ he je. I de lɛ ke e ngɔ e wai ngmɔ ɔ ngɔ ha mi nɛ ma wo lɛ hiɔ, aloo ke e suɔ ɔ, ma ngɔ wai ngmɔ kpa ngɔ tsake ha lɛ; se e de mi ke e kɛ e wai ngmɔ ɔ be mi hae.”