Yakobo 4:11 - BAIBLO ALOO NGMAMI KLƆUKLƆU Ɔ

¹¹ Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.

Somi He Ɔ

¹¹ Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Yakobo 4:11 ပူးပေါင်းရင်းမြစ်များ

La 140:11

Ko ha lakpatsɛmɛ nɛ gbeɔ nɔ he guɛ nɛ a plɔke ngɛ zugba a nɔ. Ha nɛ yayami peeli a hɛ mi nɛ kpata amlɔ nɔuu.

Luka 6:37

“Nyɛ ko kojo ni kpahi, kɛkɛ Mawu hu be nyɛ kojoe; nyɛ ko bu ni kpahi fɔ, kɛkɛ Mawu hu be nyɛ fɔ bue; nyɛɛ ngɔ nihi a tɔmihi kɛ pa mɛ, nɛ Mawu hu maa ngɔ nyɛ he yayamihi kɛ pa nyɛ.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.

2 Timoteo 3:3

Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

Tito 2:3

Yi nikɔtɔma amɛ hu o kɛ mɛ nɛ tu munyu jã nɔuu, konɛ a ba a je mi saminya kaa nihi nɛ yeɔ Mawu gbeye. A ko pee a he sieku yeli, nɛ a ko ngɔ dã numi ngɔ pee a ní tsumi. Mohu ɔ, a tsɔɔ nɔ́ kpakpa,

Yakobo 1:16

Ye nyɛmimɛ nɛ i suɔ, nyɛ ko ha nɛ a sisi nyɛ.

Yakobo 1:19

Ye nyɛmimɛ nɛ i suɔ, nyɛ hɛ nɛ hi enɛ ɔ nɔ. Ke nɔ ko ngɛ munyu tue ɔ, nyɛɛ bu tue; nyɛ he ko sɔ kɛ tu munyu, nɛ nyɛ mi mi hu ko fu mla.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yakobo 2:8

E ngɛ ngmami ɔ mi ke, “Suɔ o nyɛmi kaa bɔ nɛ o suɔ mo nitsɛ o he.” Matsɛ yemi ɔ mi mlaa ji nɛ ɔ nɛ; ke o ye nɔ ɔ, lɛɛ o pee saminya.

Yakobo 5:10

Ye nyɛmimɛ, gbali ɔmɛ nɛ fiɛ munyu ɔ ngɛ Nyɔmtsɛ ɔ biɛ mi ɔ to a tsui si wawɛɛ kɛ na amanehlu. Nyɛ ha nɛ a pee nɔ hyɛmi nɔ́ ha nyɛ.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

1 Petro 2:1

Lɔ ɔ he ɔ, nyɛ kpa yayami tsuaa yayami peemi, lakpa, osato, ninyɛ, kɛ nihi a he munyu tumi.