Yakobo 3:9 - BAIBLO ALOO NGMAMI KLƆUKLƆU Ɔ

⁹ Lilɛ waa kɛ naa wa Nyɔmtsɛ, kɛ wa Tsɛ Mawu ɔ si; nɛ lɛ nɔuu waa kɛ gbiɛɔ wa sibi adesa nɛ Mawu bɔ ngɛ e subai nɔ ɔ.

Somi He Ɔ

⁹ Lɔ ɔ nɔuu waa kɛ gbaa Nyɔmtsɛ ɔ kɛ Tsɛ ɔ, nɛ lɔ ɔ nɔuu hulɔ waa kɛ gbiɛɛ nimli nɛ a bɔ ngɛ Mawu subai nɔ ɔ.

Yakobo 3:9 ပူးပေါင်းရင်းမြစ်များ

Mose I, 5:1

Adam nina he sane ji nɛ ɔ nɛ. Benɛ Mawu bɔ nɔmlɔ ɔ, e pee nɔmlɔ ɔ kaa bɔ nɛ lɛ Mawu ɔ e ngɛ ɔ.

Mose I, 9:6

I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.

Samuel II, 16:5

Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.

Samuel II, 19:21

Kɛkɛ nɛ Zeruya bi Abishai de ke, “E sa kaa a gbe Shimei, ejakaa e gbiɛ nɔmlɔ nɛ Mawu pɔ lɛ nu ɔ.”

Kronika I, 29:10

Kɛkɛ nɛ Matsɛ David je Yawɛ yi ngɛ ma kpekpemi ɔ hɛ mi, nɛ e de ke, “Yawɛ, wa nɛ̃ Yakob Mawu, a je o yi kɛ ya neneene!

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

La 108:1

Mawu, i ngɔ ye hɛ kɛ fɔ mo pɛ o nɔ; ma la kɛ je ye tsui mi kɛ je o yi.

La 145:1

Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 145:21

Ma je Yawɛ yi, nɛ ma ha nimli adesahi tsuo ma je e yi kɛ maa ya neneene.

La 16:9

Enɛ ɔ he je ɔ, imi nɔmlɔ ɔ tsuo, i na bua jɔmi, kɛ he jɔmi.

La 30:12

Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 34:1

Ma na Yawɛ si daa; ma la kɛ je e yi be tsuaa be.

La 35:28

Ma jaje kaa Mawu nɛ yeɔ dami sane ji mo, nɛ ma je o yi daa.

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

La 57:8

Makɛ mla a, ma te si, nɛ ma fia saku, kɛ kpa saku.

La 59:12

Munyuhi nɛ jeɔ a nya a, yayami sɔuu, nɛ a hlaa kaa a wo a he nɔ. Lɔ ɔ he ɔ, ba mɛ si! Akɛnɛ a gbiɛɛ nɔ, nɛ a yeɔ lakpa he je ɔ, ha nɛ a he nɔ womi ɔ nɛ pee klama nɛ du mɛ.

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

La 63:4

Ma na mo si ye wami be ɔ tsuo; ma wo ye nine nɔ, nɛ ma fa kue ha mo.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

Fiɛlɔ 7:22

Mo nitsɛ o le ngɛ o tsui mi kaa behi fuu ɔ, mo hu o gbiɛɛ ni komɛ.

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Mateo 5:44

Se imi lɛɛ i ngɛ nyɛ dee ke nyɛɛ suɔ nyɛ he nyɛli, nɛ nyɛɛ sɔle ha nihi nɛ waa nyɛ yi mi,

Ni Tsumi 2:26

Lɔ ɔ he ɔ, ye tsui nɔ ye mi, nɛ i kɛ bua jɔmi ngɛ munyu tue; se imi nɛ adesa kɛkɛ ji mi ɔ, ma ngɔ ye hɛ ngɔ fɔ Mawu nɔ kulaa.

Romabi 3:14

Gbiɛmi munyu nɛ kɛ nɔ woɔ haomi mi nɛ jeɔ a nya mi.

1 Korintobi 11:7

E sɛ kaa nyumu kɛ nɔ́ haa e yi nɔ, ejakaa Mawu subai mi a bɔ lɛ ngɛ, nɛ e woɔ Mawu hɛ mi nyami. Se yo lɛɛ nyumu hɛ mi nyami womi nɔ́ ji lɛ;

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

Yakobo 3:10

Adesa lilɛ kake ɔ, e kɛ gbaa, nɛ e kɛ gbiɛɔ nɔ hulɔ. Ye nyɛmimɛ, e sɛ́ kaa e baa jã.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.