Yakobo 3:3 - BAIBLO ALOO NGMAMI KLƆUKLƆU Ɔ

³ Ke wa ngɛ hlae nɛ okpɔngɔ nɛ bu wɔ tue ɔ, waa kɛ dade woɔ e nya mi. Kɛkɛ ɔ, he tsuaa he nɛ wa suɔ kaa e ya a, e yaa.

Somi He Ɔ

³ Ke waa kɛ okpɔngɔ nya mi dade woɔ a nya mi konɛ a bu wɔ tue ɔ, wa ma nyɛ kpaka mɛ kɛ ya he nɛ wa suɔ.

Yakobo 3:3 ပူးပေါင်းရင်းမြစ်များ

Matsɛmɛ II, 19:28

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi, ma wo o nya mi dade; nɛ ma kpale mo kɛ maa gu blɔ nɛ o gu nɔ kɛ ba a nɔ.”

Hiob 41:13

Mɛnɔ ma nyɛ ma kpɔ e he toto ɔ? E he womi ɔ nɛ ngɛ kaa gbaja nɛ e kpla a, mɛnɔ ma nyɛ maa hɛ lɛ nɔ́ nɛ maa gbu lɛ kɛ je kpo?

La 32:9

Nyɛ ko pee nyɛ he kaa okpɔngɔ, aloo teji nɛ ja a ngɔ dade kɛ e he kpa wo e nya mi loko a ma nyɛ maa hɛɛ lɛ ɔ.”

La 39:1

I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

Yesaya 37:29

Akɛnɛ o kɛ mi tuɔ munyu basabasa, nɛ i nu o he nɔ womi hu he he je ɔ, ma ngɔ gbowe kɛ wo o gugwɔ mi; ma wo o nya mi dade, nɛ ma kpale mo kɛ gu blɔ nɛ o gu kɛ ba a nɔ.”

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

Yakobo 3:4

Aloo waa ngɔ lɛ nɛ ngɛ pa nɔ. Ke e kle kaa mɛni, nɛ ja kɔɔhiɔ nɛ nya wa nɛ ma nyɛ tsɛ̃ e yi se po, kudɔɔ nyafii ko kɛkɛ kudɔɔtsɛ ɔ kɛ plɛɔ lɛ ɔ kɛ yaa he nɛ e suɔ.